ދިތުވާ ތޫފާނުގައި ހާލުގައި ޖެހިފައިވާ ފަރާތްތަކަށް އެހީތެރިވާން ނުކުމެ އުޅުނު ސްރީލަންކާ އެއާފޯސް (އެސްއެލްއޭއެފް) ގެ ބެލް 212 ހެލިކޮޕްޓަރެއް ވެއްޓިއްޖެއެވެ.
ޑިޒާސްޓާ ރިލީފް އޮޕަރޭޝަންތަކަށް ހަވާލުކޮށްފައިވާ މި ހެލިކޮޕްޓަރު ވެއްޓުނީ ލުނޫވިލާ/ވެއްނައްޕޫވާ ކަސިރީގައި އޮންނަ ކޯރަކަށް ކަމަށް މަސްދަރުތަކުން ބުނެއެވެ.
ރަސްމީ މަސްދަރުތަކުން ބުނާ ގޮތުގައި، މި ހެލިކޮޕްޓަރު ވެއްޓުނުއިރު އޭގައި ތިބީ ހަތަރު މީހުން ކަމަށާއި، އެންމެން ސަލާމަތްކޮށް ހޮސްޕިޓަލުގައި އެޑްމިޓްކޮށްފައިވާ ކަމަށެވެ.
މިއީ އެމެރިކާ އިން އުފެއްދި ހެލިކޮޕްޓަރެކެވެ. ފާއިތުވީ އަހަރުތަކުގައި އީރާނާއި ޔުނައިޓެޑް އަރަބް އެމިރޭޓްސް ގަ އާއި ކެނެޑާ އަދި އުރުގުއޭގައި ވަނީ ބެލް 212 ގެ ހެލިކޮޕްޓަރު ވެއްޓިފައި ކަން ފާހަގަ ކުރެވެއެވެ.
ދިތުވާ ތޫފާނުގައި ލަންކާއިން 212 މީހުން މަރުވެ 218 މީހުން ވަނީ ގެއްލިފައެވެ.
