"ސިލޯނާއެކު ދިވެހީން" ނަމުގައި ޕަބްލިކް ސާވިސް މީޑިއާ (ޕީއެސްއެމް) އިން ފަށާފައިވާ ޓެލެތޯނަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން 250،000 ރުފިޔާ ހަދިޔާ ކޮށްފި އެވެ.
މި ޓެލެތޯނަށް ދައުލަތުގެ އެކިއެކި ކުންފުނިތަކުން ބޮޑެތި އަދަދުތަކުން ފައިސާގެ އެހީ ދެމުންދާއިރު އެމްއޭސީއެލް އަކީ އެންމެ ބޮޑު އެހީއެއް ވެދިން ކުންފުންޏެވެ.
ފައިސާގެ އެހީ ޓެލެތޯނަށް ހަދިޔާ ކުރުމަށްފަހު އެމްއޭސީއެލްގެ ފަރާތުން އެކްސްގައި ޕޯސްޓުކޮށް ބުނެފައިވަނީ ލަންކާ އަށް ދިމާވި މި ހިތާމަވެރި ހާދާސިާގައި އެ ކުންފުނީގެ ސްޓާފުން ތިބީ ލަންކާއާ އެކުގައި ކަމަށާއި އެ ކުންފުނީގެ ސީއާރު ކޮމިޓްމަންޓުގެ ދަށުން ލަންކާ އަށް އެހީވުމުގެ ގޮތުން ޓެލެތޯނަށް ފައިސާ ހަދިޔާ ކޮށްފައިވާ ކަމަށެވެ.
މިހާތަނަށް ލަފާކުރެވޭ ގޮތުގައި ޓެލެތޯނަށް ލިބުނު ފައިސާގެ އަދަދު ގާތްގަނޑަކަށް ހަތް މިލިއަނަށް ވުރެ ގިނަ ވާނެ އެވެ.
ލަންކާ އަށް އެހީތެރިކަން ފޯރުކޮށްދިނުމުގެ ގޮތުން އެކި ގޮތްގޮތަށް ފައިސާ ހަދިޔާ ކުރެވޭނެ އެވެ. އެގޮތުން ޓްރާންސްފާ މެދުވެރިކޮށް، ކިއުއާރު ކޯޑު ސްކޭން މެދުވެރިކޮށް، ޗެކު, ކިއުއާރު ކޯޑު ސްކޭން، އަދި ކޭޝް މެދުވެރިކޮށް ފައިސާ ދެއްކޭނެ އެވެ. ފަންޑު ފޮށިތައް ބެހެއްޓިފައި ހުންނާނީ މާލެ، ހުޅުމާލެ އަދި ވިލިމާލޭގަ އެވެ.
ޓްރާންސްފާ ކުރާނީ ބީއެމްއެލްގައި ހުޅުވާފައިވާ "Ceylon Aaeku Dhiveheen" މި އެކައުންޓަށެވެ.
ދިވެހި ރުފިޔާ އެކައުންޓް ނަންބަރު: :7730000796107
ޔޫއެސް ޑޮލަރު އެކައުންޓް ނަންބަރު: 7730000796106
