މަކަރާއި ހީލަތުން 1،250 ޑޮލަރު ހޯދި މީހަކު ހައްޔަރުކޮށްފި

މުޙައްމަދު ޖިނާން ހުސައިން ޖަބީން | 15 ގަޑިއިރު ކުރިން - 30 ނޮވެންބަރު 2025 13:08
ސްކޭމް ކޮށްގެން ގިނަ ބައެއްގެ އަތުން ފައިސާ ހޯދި މައްސަލާގައި ހައްޔަރުކުރި މީހާ--- ފޮޓޯ: ދިވެހި ފުލުހުންގެ ހިދުމަތް
ސްކޭމް ކޮށްގެން ގިނަ ބައެއްގެ އަތުން ފައިސާ ހޯދި މައްސަލާގައި ހައްޔަރުކުރި މީހާ--- ފޮޓޯ: ދިވެހި ފުލުހުންގެ ހިދުމަތް
ޚުލާސާ

މި މައްސަލާގައި މަކަރާއި ހީލަތުން ހޯދާފައިވާ 1،250 ޑޮލަރު ރިކަވާކޮށްފައިވާ ކަމަށް ފުލުހުން ވަނީ ބުނެފަ

މަކަރާއި ހީލަތުން އެކި މީހުންގެ އަތުން ފައިސާ ހޯދައި އެ ފައިސާތައް ވިޔަފާރި އެކައުންޓްތަކަކަށް ޖަމާކުރުވައި، އެ ފައިސާތައް ނަގަމުންދިޔަ މީހަކު ހައްޔަރުކޮށްފި އެވެ. 

މި މައްސަލައާ ގުޅިގެން ފުލުހުން ބުނެފައިވާ ގޮތުގައި، ހައްޔަރުކޮށްފައި ވަނީ ބ. ތުޅާދޫ / މަންޒަރުގެ، މުހައްމަދު ޝާވިން (23އ) ކަމަށެވެ.

މި މީހާ ހައްޔަރުކޮށްފައި ވަނީ ޑޮލަރު މާރުކުރުމަށް ވައިބާ ގްރޫޕަކުން ފެނުނު ފަރާތަކަށް 1،250 ޑޮލަރު ޓްރާންފާކުރުމުން އެ ޑޮލަރަށްވާ ރުފިޔާ ދީފައި ނުވާތީ މި މަހުގެ 27 ވަނަ ދުވަހުގެ ވަގުތެއްގައި ފުލުހުންނަށް ހުށަހެޅުނު މައްސަލައަކާއި ގުޅިގެން އެންޓި ސްކޭމް ސެންޓަރުގެ ރެޕިޑް ރެސްޕޯންސުން ހިންގި އޮޕަރޭޝަނެއްގައި، ހުޅުމާލެއިން ފައިސާ އާއި ހަވާލުވުމަށްފަހު ކަމަށް ފުލުހުން ވަނީ ބުނެފަ އެވެ.

ފުލުހުންނަށް ހުށަހެޅުނު މި މައްސަލާގައި މަކަރާއި ހީލަތުން ހޯދާފައިވާ 1،250 ޑޮލަރު ރިކަވާކޮށްފައިވާއިރު، އިތުރު ދެ މައްސަލައެއްގައި ހިމެނޭ ފައިސާވެސް ރިކަވާކޮށްފައިވާ ކަމަށް ފުލުހުން ވަނީ ބުނެފަ އެވެ.

މި މައްސަލާގައި ހައްޔަރުކޮށްފައިވާ މީހާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ކޯޓުން ވަނީ 10 ދުވަހުގެ މުއްދަތަށް ބަންދުކުރުމަށް އަމުރުކޮށްފައި ކަމަށާއި މި މައްސަލަ ފުލުހުން ގެންދަނީ އިތުރަށް ތަހުގީގު ކުރަމުން ކަމަށް ފުލުހުން ވަނީ ބުނެފަ އެވެ.

TelegramTwitterYoutubeTiktokViberFacebookInstagram

0 ރިއެކްޝަންސް / 0 ކޮމެންޓް

0%
0%
0%
0%
0%