ޠޫފާނުގައި އިރުދެކުނު އޭޝިއާއިން 460 މީހުން މަރުވެއްޖެ

ޢަބްދުﷲ ޖުނައިދު | 1 ދުވަސް ކުރިން - 29 ނޮވެންބަރު 2025 00:29
ކުއްލި ޚަބަރު: ޠޫފާނުގައި އިރުދެކުނު އޭޝިއާއިން 460 މީހުން މަރުވެއްޖެ
ކުއްލި ޚަބަރު: ޠޫފާނުގައި އިރުދެކުނު އޭޝިއާއިން 460 މީހުން މަރުވެއްޖެ
ޚުލާސާ

އިންޑޮނޭޝިއާ، ތައިލެންޑް އަދި މެލޭޝިއާގެ އެކި ހިސާބުތަކުގައި ފެން ބޮޑުވެ، ބިންގަނޑު ކަނޑައިގެން ދިޔުމުގެ ސަބަބުން 460 އަށް ވުރެ ގިނަ މީހުން މަރުވެއްޖެ

އިރު-ދެކުނު އޭޝިއާގެ ޤައުމުތައް ކަމަށްވާ އިންޑޮނޭޝިއާ، ތައިލެންޑް އަދި މެލޭޝިއާ އަށް ކުރަމުންދާ ބޯ ވިއްސާރައިގެ ސަބަބުން ކޯރުތައް ބަންޑުންވެ، ބިންގަނޑު ކަނޑައިގެން ދިޔުން ފަދަ ހާދިސާ ތަކުގައި މިހާތަނަށް 460 އަށް ވުރެ ގިނަ މީހުން މަރުވެ އެތައް ބަޔަކު ގެއްލި ބޮޑެތި ގެއްލުންތަކެއް ވެއްޖެއެވެ.

އެންމެ ބޮޑަށް އަސަރު ކޮށްފައިވާ އިންޑޮނޭޝިއާގެ ސުމަޓްރާއިން މަދުވެގެން 303 މީހުން މަރުވެފައިވާއިރު، 279 މީހުން ވަނީ ގެއްލިފައެވެ. މިއަދު ހުޅަނގު ސުމަޓްރާގައި 61 މީހުން މަރުވެ 90 މީހަކު ގެއްލިފައިވާއިރު، އަޗޭ ޕްރޮވިންސުން ވަނީ 35 މީހުން މަރުވެފައިވާކަން ކަށަވަރުކޮށްދީފައެވެ. މީގެ އިތުރުން 80،000 އަށް ވުރެ ގިނަ މީހުން ވަނީ ގެދޮރު ހަލާކުވުމުގެ ސަބަބުން އެ ގެތައް ދޫކޮށް ވަގުތީ ހިޔާއަށް ބަދަލުވެފައެވެ.

ތައިލެންޑުގެ ބައެއް ސަރަޙައްދުތަކުގައި 8.3 ފޫޓަށް ފެން ބޮޑުވެފައިވާއިރު، މަރުވި މީހުންގެ ޢަދަދު ވަނީ 162 އަށް އަރާފައެވެ.

މެލޭޝިއާ އިން ރިޕޯޓްކޮށްފައިވާ ގޮތުގައި އެ ޤައުމުން ވެސް ދެމީހަކު މަރުވެފައި ވެއެވެ.

TelegramTwitterYoutubeTiktokViberFacebookInstagram

0 ރިއެކްޝަންސް / 0 ކޮމެންޓް

0%
0%
0%
0%
0%