ރައްޔިތުންގެ މަޖިލީހުގެ މި ހިނގާ ދައުރު ދަންމާލުމަށް ފާސްކޮށްފި އެވެ.
ރައްޔިތުންގެ މަޖިލީހުގެ މި ހިނގާ ދައުރު ދަންމާލުމަށް ފާސްކޮށްފައި މިވަނީ މުހިއްމު ބައެއް މަސައްކަތްތަކެއް ނުނިމި ހުރުމުގެ ސަބަބުންނެވެ.
މިކަމާ ގުޅިގެން ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ރައްޔިތުންގެ މަޖިލީހުގެ މިއަދުގެ ޖަލްސާ ފަށްޓަވައިދެއްވަމުން ވިދާޅުވީ، މަޖިލިސް ޗުއްޓީއަށް ދިއުމުގެ ކުރިން މުހިންމު މަސައްކަތްތަކެއް ނުނިމި ހުރުމުގެ ސަބަބުން، ދައުރު ދަންމައިލުމަށް މެމްބަރުންގެ މެދުގައި ފެންނަ ނުފެންނަ ވޯޓަކަށް އަހާނެ ކަމަށެވެ.
މަޖިލީހުގެ ދައުރު ދަންމާލުމަށް ފެނޭތޯ ނެގި ވޯޓުގައި 62 މެމްބަރުން ވޯޓު ދީފައިވާއިރު، އޭގެ ތެރެއިން މަޖިލީހުގެ ދައުރު ދަންމާލަން ފެންނަ ކަމަށް ވޯޓު ދީފައިވަނީ 55 މެންބަރުންނެވެ. ނުފެންނަ ކަމަށް ހަތް މެމްބަރަކު ވަނީ ވޯޓު ދީފަ އެވެ.
