ކޮމިޓީއަށް ހުށަހެޅިފައިވާ މައްސަލައަކާއި ގުޅިގެން ފެނަކަ ކޯޕަރޭޝަން ލިމިޓެޑްގެ ބޭފުޅުންނާއި ރައްޔިތުންގެ މަޖިލީހުގެ އެންވަޔަރަންމަންޓް އެންޑް ކްލައިމެޓް ޗޭންޖް ކޮމިޓީއިން ބައްދަލުކުރުން (24 ނޮވެމްބަރ 2025)
ފެށުނީއްސުރެ މި ސަރުކާރު އައުމާއި ހަމަޔަށް ވެސް ކޮރަޕްޝަނުގެ ތެރޭގައި “ޣަރަޤު”ވެފައިވާ ފެނަކަ ކޯޕަރޭޝަންގެ މާލީ ކަންކަން ހަރުދަނާކޮށް، ކޮރަޕްޝަނަށް މަގުފަހިވާ މައްސަލަތައް ހައްލު ކުރުމަށްޓަކައި، އަންނަ ޖަނަވަރީ މަހުން ފެށިގެން އައު ޕްރޮކިއުމަންޓު ޕޮލިސީ އަކަށް. އަމަލު ކުރާނެ ކަމަށާއި، އެއާއި އެކު ކޮރަޕްޝަނުގެ “ލޯވަޅުތައް” ބެދޭނެ ކަމަށް އެ ކުންފުނީގެ މެނޭޖިންގ ޑިރެކްޓަރ މުޙައްމަދު ނަޖާޙް ވިދާޅުވެއްޖެއެވެ. ރައްޔިތުންގެ މަޖިލީހުގެ އެންވަރމަންޓު އެންޑް ކްލައިމެޓް ޗޭންޖް ކޮމިޓީއަށް މަޢުލޫމާތު ދެއްވަމުން ނަޖާހް ވިދާޅުވީ. މި ސަރުކާރު ވެރިކަމާއި ހަވާލުވިއިރު ފެނަކައިގެ އެތެރޭގެ އޮނިގަނޑާއި މާލީ ކަންކަން ހުރީ ބޮއްސުންލާފައެވެ
ކޮމިޓީއަށް ހުށަހެޅިފައިވާ މައްސަލައަކާއި ގުޅިގެން ފެނަކަ ކޯޕަރޭޝަން ލިމިޓެޑްގެ ބޭފުޅުންނާއި ރައްޔިތުންގެ މަޖިލީހުގެ އެންވަޔަރަންމަންޓް އެންޑް ކްލައިމެޓް ޗޭންޖް ކޮމިޓީއިން ބައްދަލުކުރުން (24 ނޮވެމްބަރ 2025)
ސަރުކާރަށް ބަރޯސާ ނުވެ ފެނަކަ ކުންފުނި ހިންގޭނެ ކަމަށް މީގެ ކުރިން ވެސް ވިދާޅުވެފައިވާ އެ ކޯޕަރޭޝަންގެ މެނޭޖިންގ ޑިރެކްޓަރ މުހައްމަދު ނަޖާހު ފާހަގަ ކުރެއްވި ގޮތުގައި ކުރީގެ ސަރުކާރުން ބޮޑެތި އިހުމާލުތަކެއް ފެނަކައިގައި ވަނީ ހިންގާފައެވެ. އެކަންކަން ރަނގަޅުކޮށް، ހަރުދަނާ ނިޒާމެއްގެ ތެރެއިން ކުރިއަށް ދިއުމަށް ގިނަ މަސައްކަތްތަކެއް ކުރަންޖެހިފައިވާކަމަށް ވެސް ނަޖާޙް ވިދާޅުވިއެވެ.
ފެނަކައިގެ މެނޭޖިންގ ޑިރެކްޓަރުގެ މަޤާމާއި ހަވާލުވިއިރު، އެކުންފުނީގެ ޕްރޮކިއުމަންޓު ޕޮލިސީގައި ޕަބްލިކް ސެކްޓަރ އިންވެސްޓްމަންޓް ޕްރޮގްރާމް (ޕީސީބީ) ގެ އުޞޫލުތަކާއި ފުށޫއަރާ ވަރަށް ގިނަ ކަންކަން ހުރިކަން ނަޖާޙް ހާމަކުރެއްވިއެވެ. މިކަން ހައްލުކުރުމަށް، ޕްރޮކިއުމަންޓު ޕޮލިސީ އިސްލާހުކުރުމުގެ މަސައްކަތް ކުރިއަށް ދާއިރު، މިހާރު ވަނީ އޭގެ ފުރަތަމަ ޑްރާފްޓް ވެސް ނިމިފައެވެ. ނަޖާހް ވިދާޅުވީ، ދެން އޮތީ އެ ޑްރާފްޓް ބޯޑަށް ހުށަހެޅުމުގެ މަތުޙަލާއެވެ. ނަޖާހުގެ އަމާޒަކީ އަންނަ ޖަނަވަރީ މަހުގެ ފުރަތަމަ ދުވަހުން ފެށިގެން މި އައު ޕޮލިސީއަށް އަމަލުކުރަން ފެށުން ކަމަށް ވެސް ވިދާޅުވިއެވެ.
"މި އަންނަ ޖެނުއަރީ މަހުގެ 1 ވަނަ ދުވަހުން ފެށިގެން ކުރިއަށް ގެންދާނީ އައު ޕޮލިސީއާއެކު. އޭގެ ފުރަތަމަ މަރުހަލާ ނިންމާ ޑްރާފްޓު ނިންމާ ބޯޑަށް ހުށައަޅަން ތައްޔާރު ވެފައި ވަނީ” ނަޖާޙް ވިދާޅުވިއެވެ.
ނަޖާހު ވިދާޅުވީ އެ ޑްރާފްޓަށް ބޯޑުން ދޭ ލަފަޔާއި އެކު ފައިނަލް ޑްރާފްޓްއަކަށް ތާރޑް ޕާޓީއަކަށް ފޮނުވައިގެން ރިވިއު ކުރާނެ ކަމަށެވެ. ފެނަކައިން އެ ޑްރާފްޓަށް ގެންނަ ބަދަލުތައް ރިވިއު ކުރުމަށް ބޭނުން ނުވާ ކަމަށާއި އެއީ ރަނގަޅު ގޮތެއް ކަމަށް ނުފެންނަ ކަމަށް ވެސް ވިދާޅުވިއެވެ. “އަޅުގަނޑުމެން އަމިއްލަ އަށް ރިވިއު ކުރުމަކީ ރަނގަޅު ގޮތެއް ނޫން" ނަޖާޙް ވިދާޅުވިއެވެ.
ފެނަކައިގެ އައު ޕޮލިސީއާއެކު ޕްރޮކިއުމަންޓުގެ ލިޔެކިޔުންތަކުގައި ސޮއިކުރާ ފަރާތްތަކުގެ އިތުރުން، މަސައްކަތުގެ އެކި މަރުޙަލާ ތަކުގައި ބައިވެރިވާ ހުރިހާ ފަރާތްތަކެއް ޒިންމާދާރު ކުރެވޭނެ ކަމަށް ނަޖާޙް ވިދާޅުވިއެވެ. މީގެ އިތުރުން، އައު ޕޮލިސީގެ ދަށުން ޕްރޮކިއުމަންޓު ކޮމިޓީއެއް އުފެދި، ބޮޑެތި ޕްރޮކިއުމަންޓުތަކުގެ ކަންކަން ހިންގުމުގައި ފަންނީ ފަރާތްތަކުން ވަރަށް ތަފްސީލުކޮށް ކަންކަން ބަލާނެ ކަމަށް ވެސް ނަޖާހު ވިދާޅުވިއެވެ. އަސި ކަންކަން ކުރިޔަށް ގެންދާނީ ދެފުށް ފެންނަ އުޞޫލުން ކަމަށް ވެސް ނަޖާޙް ވިދާޅުވިއެވެ.
ފާހަގަ ކޮށްލަން ޖެހޭ ކަމަކީ ފެނަކައިގެ ކުރީގެ ބައެއް ވެރިންނަށް ދަޢުވާކުރުމަށް ކޯޓަށް ފޮނުވާފައިވާއިރު، ތުހުމަތުކުރެވޭ ފަރާތްތަކުގެ ޕާސްޕޯޓް ވެސް ވަނީ ހިފަހައްޓާފައި ކަމެވެ. މި ހުރިހާ މައްސަލަތަކަށް ހައްލެއް ގެނެސް، ކުންފުނީގެ މާލީ އިދާރީ ހިންގުން ރަނގަޅުކުރުމަކީ މި ސަރުކާރުގެ އެންމެ ބޮޑު އެއް އަމާޒެވެ.
