ނަމާދު ނުކުރާ މީހުންނަކީ ކާފަރުން: ހުކުރު ހުތުބާ

މުޙައްމަދު ޖިނާން ހުސައިން ޖަބީން | 9 ދުވަސް ކުރިން - 21 ނޮވެންބަރު 2025 13:58
މިސްކިތެއްގައި ބަޔަކު ނަމާދުކުރަނީ. ނަމާދު އޭގެ ވަގުތުގައި ކުރުމަކީ އިންސާނާގެ އިސްލާމްވަންތަކަން ދައްކުވައިދޭ ރަމްޒެއް ކަމަށް ހުތުބާގައި ވަނީ ބުނެފަ--- ފޮޓޯ: ޚުލާސާ
މިސްކިތެއްގައި ބަޔަކު ނަމާދުކުރަނީ. ނަމާދު އޭގެ ވަގުތުގައި ކުރުމަކީ އިންސާނާގެ އިސްލާމްވަންތަކަން ދައްކުވައިދޭ ރަމްޒެއް ކަމަށް ހުތުބާގައި ވަނީ ބުނެފަ--- ފޮޓޯ: ޚުލާސާ
ޚުލާސާ

ދަތުރުމަތީގަވެސް، އަދި ބަލިވިޔަސް، މަސައްކަތު މާހައުލުގަވެސް ނަމާދު ކުރަން ޖެހޭ! ގިޔާމަތްދުވަހު އެންމެ ފުރުތަމަ ހިސާބުބެއްލެވޭނީ ނަމާދާ ބެހޭ ގޮތުންކަމަށާއި، ނަމާދު ރަނގަޅުވެއްޖެނަމަ އިންސާނާ ކާމިޔާބުވެއްޖެ

މުސްލިމަކަށްވުމަށް ފަހު އިންސާނާގެ އިސްލާމްކަން ދައްކުވައިދޭ މައިގަނޑު ކަމަކީ ނަމާދު ކަމަށް މިއަދުގެ ހުކުރު ހުތުބާގައި ބުނެފި އެވެ. (މާނަ އަކީ ނަމާދު ނުކުރާ ނަމަ އެ މީހަކީ މުސްލިމެއް ނޫނެވެ).

މިއަދުގެ ހުތުބާގައި ބުނެފައިވާ ގޮތުގައި، ނަމާދަށް ފަރުވާތެރިވުމާއި ނަމާދު އޭގެ ވަގުތުގައި ކުރުމަކީ އިންސާނާގެ އިސްލާމްވަންތަކަން ދައްކުވައިދޭ ރަމްޒެއް ކަމަށް ވަނީ ބުނެފަ އެވެ. އަދި ނަމާދަކީ އަމާންކަމާއި ރައްކާތެރިކަން އިންސާނާއަށް ކަށަވަރުކޮށްދޭ އަޅުކަމެއް ކަމަށާއި އިއްފަތްތެރިކަމުގައި އިންސާނާ ދެމިހުރުމަށް ލިބިދޭ ބާރެއް ކަމަށްވެސް ހުތުބާގައި ވަނީ ބުނެފަ އެވެ. މީގެ އިތުރުން ނަމާދަކީ އިޖުތިމާއީ ގޮތުން ތަރުބިއްޔަތުވެސް ލިއްބައިދޭ ކަމެއް ކަމަށް ހުތުބާގައި ވަނީ ބުނެފަ އެވެ.

މިއަދުގެ ހުތުބާގައި ބުނި ގޮތުގައި، ނަމާދަކީ ގަދަވެ ހެޔޮ ހާލުގައި އޮންނަ އިރުގައްޔާއި، ބަލި ހާލުގައި އޮންނަ އިރުގައްޔާއި، ރަށުގައި ގާއިމު ހުންނަ އިރާއި ދަތުރުމަތީގައި އުޅޭއިރުވެސް ކުރުމަށް އަންގަވާފައިވާ އަޅުކަމެއް ކަމަށެވެ.

މުސްލިމެއްގެ ގޮތުގައި ހުރެ ދުނިޔެ ދޫކޮށްފައިދާ ކޮންމެ އިންސާނެއްގެ ވެސް އެންމެ ފުރުތަމަ ހިސާބު ބެއްލެވޭނީ ނަމާދާ ބެހޭ ގޮތުން ކަމަށާއި، އިސްލާމް ދީނުގައި ނަމާދަށް މަތިވެރި މަގާމެއް ދީފައިވާއިރު ނަމާދުތަކަށް ފަރުވާ ކުޑަކުރުމާއި ނަމާދު އެޅުމުން ދުރުހެލިވުމަކީ ކޮންމެ މުސްލިމަކުވެސް ސަމާލުވާންޖެހޭ ކަމެއް ކަމަށް ހުތުބާގައި ވަނީ ބުނެފަ އެވެ. މީގެ އިތުރުން ނަމާދު އެޅުމަކީ އިިންސާނާގެ އިސްލާމްކަމާއި ކާފިރުކަމާ ދެމެދު ވަކިކޮށްދޭ އިންކަމަށް ސުންނަތުން ސާބިތުވާކަމަށް ހުތުބާގައި ވަނީ ބުނެފަ އެވެ.

އިންސާނުންނަކީ ފާފަކުރެވޭނެ ބައެއް ކަމަށާއި، ނަމާދަކީ އެ އަޅުކަމުގެ ސަބަބުން އިންސާނުންނަށް ކުރެވޭ ކުދި ފާފަތައް ފުއްސަވާދެއްވާނެ އަޅުކަމެއް ކަމަށް ހުތުބާގައި ވަނީ ބުނެފަ އެވެ. އެހެން ކަމުން ތައުބާގެ މަގަށް ރުޖޫއަވެ، ނަމާދުތަކަށް ފަރުވާތެރިވުމަށް މިއަދުގެ ހުކުރު ހުތުބާގައި ވަނީ ނަސޭހަތްތެރިވެފަ އެވެ.

TelegramTwitterYoutubeTiktokViberFacebookInstagram

0 ރިއެކްޝަންސް / 0 ކޮމެންޓް

0%
0%
0%
0%
0%