19 ވަނަ ރައްޔިތުންގެ މަޖިލީހުގައި އެތަކެއް ދިވެހިންނެއް ހެއްވާލަދިން ކާށީދޫ ދާއިރާގެ ކުރީގެ އިއްޒަތްތެރި މެންބަރު އަބްދުﷲ ޖާބިރުގެ ތާއީދު ރައީސުލްޖުމްހޫރިއްޔާ އަށް އެބަ އޮތް ކަމަށް އެމަނިކުފާނު ވިދާޅުވެއްޖެ އެވެ.
ޕީއެންސީ ހަރުގެ ކައިރީގައި ޕީއެންސީގެ ސަޕޯޓަރުންނާ ބައްދަލުކޮށް ދެއްވި އިންޓަވިއުއެއްގައި އެމަނިކުފާނު ވިދާޅުވީ ރައީސް ޑރ. މުޢިއްޒުގެ މުރާލި ކަމާއި ހީވާގި ކަމާއި އަދި ހުއްޓުމެއްނެތި އެއްވާނެއްގައި ރާއްޖެ ތަރައްގީކުރަން ކުރަމުންދާ މަސައްކަތް އެމަނިކުފާނު ދަނީ ވަރަށް ގާތުން ބަލަމުން ކަމަށެވެ. ޖާބިރު ވިދާޅުވީ ރާއްޖޭގެ ތަރައްގީގެ ކަންކަން ބާރު ސްޕީޑެއްގައި އަޅުގަނޑުމެން ހާސިލުކުރަން މި ނިންމި ހުރިހާ ލަނޑުދަނޑީތަކެއް ރައީސް ޑރ. މުޢިއްޒު ވަރަށް ކާމިޔާބުކަމާއެކު ކުރިއަށް ގެންގޮސް ނިންމަވާނެ ކަމަށެވެ.
Advertisement
ޖާބިރު ވިދާޅުވީ އެމަނިކުފާނަކީ ރާއްޖޭގެ ސިޔާސީ ކަންކަމުގައި ވަރަށް ގިނަ ދުވަހު މަސައްކަތް ކުރެއްވި ބޭފުޅެއް ކަމަށާއި، މިވަގުތު އެމަނިކުފާނު އުޅުއްވަނީ ވިޔަފާރި ކަންކަމުގައި ކަމަށެވެ. އަދި ޕީއެންސީ ސަޕޯޓަރުންނާއެކު އެ ކުރައްވާ މަސައްކަތުގައި ބައިވެރިވާ ހިތްވާ ކަމަށް އެމަނިކުފާނު ވިދާޅުވި އެވެ.
ރާއްޖެ ބަގުރޫޓުވާން ކައިރިވެފައި އޮއްވާ ނަގާ ކޮޅަށް ޖަހަން ރައީސް މުޢިއްޒު ކުރައްވާ މަސައްކަތްޕުޅަށް ފުރިހަމަ އެއްބާރުލުމާއި ތާއިދު ލިބޭނެ ކަމަށް ޖާބިރު ވަނީ ވިދާޅުވެފަ އެވެ. އަދި އެކަމަށްޓަކައި ކުރެވެން ހުރި ހުރިހާ މަސައްކަތެއް ކުރައްވާނެ ކަމަށް އެމަނިކުފާނު ވިދާޅުވި އެވެ.
20 ވަނަ މަޖިލީހަށް ވެސް ޖާބިރު ވަނީ ވާދަކޮށްފަ އެވެ. ނަމަވެސް ލިބިވަޑައިގެންނެވި ނާކާމިޔާބީއަށް ފަހު އެމަނިކުފާނު ވަނީ ރާއްޖެއިން ބޭރުގައި ގިނަ ދުވަސްތަކެއް ވަންދެން ހޭދަކޮށްފަ އެވެ.
