2026 ވަނަ އަހަރު ދައްކަންޖެހޭ 500 މިލިއަން ޑޮލަރުގެ ބޮންޑެއް ހައްލުކުރުމަށް 300 މިލިއަން ޑޮލަރުގެ ލޯނެއް އަލުން އެކުލަވާލުމަށް ރާވާފައިވާކަން މިއަދު އޮތް ރައްޔިތުންގެ މަޖިލީހުގެ މާލިއްޔަތު ކޮމެޓީ ބައްދަލުވުމުގައި ފިނޭންސް މިނިސްޓަރު ޑރ.މުހައްމަދު ޝަފީގު ހާމަކުރައްވައިފިއެވެ.
ކުރިއަށް އޮތް އަހަރުތަކުގައި ސްޓްރަކްޗާކޮށްފައި ވަނީ ފައިސާ ދެއްކުމުގެ މަރުހަލާ ފަސޭހަކޮށްދިނުމަށެވެ. ސޮވަރިން ޑިވެލޮޕްމަންޓް ފަންޑު (އެސްޑީއެފް) އިން މުހިންމު ދައުރެއް އަދާކުރާއިރު، މި ފަންޑުން 200 މިލިއަން ޑޮލަރު ލިބޭނެ ކަމަށް ބެލެވެ އެވެ. ސަރުކާރުގެ އަމާޒަކީ ރައްޔިތުންނަށް ޓެކްސްގެ ބުރަ ބޮޑު ނުކޮށް ދަރަނީގެ ވާޖިބު އަދާކުރުމަށް އެސްޑީއެފްއަށް 250 މިލިއަން ޑޮލަރު ހޯދުމެވެ. އެސްޑީއެފް އަށް އިތުރު އިންވެސްޓަރުން ޝައުގުވެރި ކުރުވުމަށް ތައްޔާރުވަމުން އަންނައިރު، ވަކި ދާއިރާތަކުން ފީ ބޮޑުކޮށްގެން އިތުރު އާމްދަނީއެއް ލިބޭނެ ކަމަށް މިނިސްތަރު ގަބޫލުފުޅު ކުރައްވައެވެ.
ސަރުކާރުގެ ސްޓްރެޓެޖީގައި ބޮޑަށް އަލިއަޅުވާލާފައިވަނީ ދެމެހެއްޓެނިވި ގޮތެއްގައި ދަރަނި އަނބުރާ ދެއްކޭނެ ގޮތް ކަށަވަރުކުރުމާއެކު ޓެކްސް ބޮޑުތަނުން ބޮޑުކުރުމުން ދުރުހެލިވުމަށެވެ.
