ގަވާއިދާ ހިލާފަށް ރާއްޖޭގެ ކަނޑުގެ ސަރަހައްދަށް ވަދެ އުޅެނިކޮށް، ދިވެހި އަސްކަރިއްޔާގެ އެއާ ކޯރ އިން ޑްރޯންގެ އެހީގައި އަތުލައިގަތް ބޯޓުގައި 300 ކިލޯގެ މަސްތުވާތަކެތި ހުރި ކަމަށް ފުލުހުން ބުނެފިއެވެ.
ރާއްޖޭގެ ވައިގެ ސަރަހައްދުގެ ސަލާމަތާއި ރައްކާތެރިކަން ޤާއިމްކުރުމުގެ ގޮތުން ރައީސުލްޖުމްހޫރިއްޔާ މޯލްޑިވްސް ނޭޝަނަލް ޑިފެންސް ފޯސްގެ އެއަރ ކޯރ އުފެއްދެވީ، 15 މާރިޗު 2024 ގައި ރައީސުލްޖުމްހޫރިއްޔާގެ ޤަރާރަކުންނެވެ. އެއާ އެކު ސަރަޙައްދު ބެލެހެއްޓުމަށްޓަކައި ހިންގަންޖެހޭ އެންމެހާ ވައިގެ އަސްކަރީ އޮޕަރޭޝަންތައް ވަނީ ފަށާފައެވެ.
މީޑިއާ ރިޕޯޓްތައް ބުނާގޮތުން، ލަންކާގެ ހަ މީހުންނާއެކު އެ ބޯޓު ދިވެހި އެއާ ކޯޕްސް އިން ހުއްޓުވީ ލަންކާގެ ކަނޑުގެ ސިފައިން ހިއްސާކުރި ޖާސޫސީ މައުލޫމާތަކާ ގުޅިގެންނެވެ.
ލަންކާގެ މަސްދަރުތަކުން ބުނި ގޮތުގައި ލަންކާގެ މަސްވެރި އުޅަނދު ރާއްޖޭގެ ކަނޑުގެ ސަރަހައްދުން ޓްރެކްކޮށް ހުއްޓުވާފައިވާއިރު އެއީ އިންޑިއާ ކަނޑު ޓްރާންސިޓް ރޫޓެއްގެ ގޮތުގައި ބޭނުންކޮށްގެން ޑްރަގް ޓްރެފިކިން ނެޓްވޯކެއްގެ ތެރެއިން މަސައްކަތްކުރާ ބަޔަކާއި ގުޅުން އޮތް އުޅަނދެކެވެ.
ލަންކާ މަސްދަރުތަކުން ބުނީ އިންޑިއާގެ ގާނޫނު ތަންފީޒުކުރާ ފަރާތްތަކާއި ކަނޑުގެ ސިފައިން ރާއްޖޭގެ ކަމާބެހޭ ފަރާތްތަކާ ކޯޑިނޭޓް ކުރަމުންދާ ކަމަށެވެ.
ރާއްޖޭގެ އެއަރކޯ އަކީ 24 ގަޑިއިރު ރާއްޖޭގެ ކަނޑުގެ ސަރަހައްދު ބެލެހެއްޓުމުގެ ޤާބިލުކަން ދިފާޢީ ބާރަށް ވަނީ ލިބިފައެވެ. ދިވެހި ސިފައިންގެ ޚިދުމަތަށް މުޅިން އަލަށް ތަޢާރަފުކުރި އާންމޭންޑް އޭރިއަލް ވެހިކަލް، ޔޫއޭވީތަކަކީ 220 ކިލޯމީޓަރުގެ ބާރުމިނުގައި މެދުނުކެނޑި 20 ގަޑިއިރު ދުއްވުމުގެ ޤާބިލްކަން ލިބިފައިވާ އުޅަނދުތަކެކެވެ. އަދި ރޭގަނޑު އަނދިރީގައިވެސް ސަރޗް އެންޑް ރެސްކިއު އޮޕަރޭޝަންތައް ހިންގުމުގެ ޤާބިލުކަން މި އުޅަނދަށް ލިބިފައިވެއެވެ.
