ސްވިޒަލެންޑްގެ ތިންވަނައަށް އެންމެ ބޮޑު އެޑެލްވައިސް އެއާލައިނަށް ވެލާނާ އިންޓަނޭޝަނަލް އެއާޕޯޓް (ވީއައިއޭ) ޓާމިނަލް 1 އިން ޚިދުމަތް ދޭން މިއަދު ފަށައިފިއެވެ. މިއާއި އެކު އެ ޓަމިނަލުން ޚިދުމަތްދޭން ފެށި އެއާލައިންތަކުގެ ޢަދަދު މިވަނީ 22 އަށް އަރާފައެވެ.
އެޑެލްވައިސް އަށް ޓާމިނަލް 1 އިން ޚިދުމަތް ދިނުމުގެ ގޮތުން މިއަދު ވީއައިއޭގައި ބޭއްވި ރަސްމިއްޔާތުގެ ތެރެއިން / ފޮޓޯ: އެމްއޭސީއެލް
އެޑެލްވައިސް އަށް ޓާމިނަލް 1 އިން ޚިދުމަތް ދިނުމުގެ ގޮތުން މިއަދު ވީއައިއޭގައި ބޭއްވި ރަސްމިއްޔާތުގައި މޯލްޑިވްސް އެއާޕޯޓްސް ކޮމްޕެނީ ލިމިޓެޑްގެ ސީއީއޯ އަދި މެނޭޖިންގ ޑިރެކްޓަރު އިބްރާހީމް ޝަރީފް މުހައްމަދުގެ އިތުރުން އެޑެލްވައިސް އެއާސްޓޭޝަން މެނޭޖަރ މަހްޖޫބް ޢަބްދުﷲ އާއި އެމްއޭސީއެލްގެ އިސް ވެރިން ބައިވެރިވެވަޑައިގެންނެވިއެވެ.
އެޑެލްވައިސް އަށް ޓާމިނަލް 1 އިން ޚިދުމަތް ދިނުމުގެ ގޮތުން މިއަދު ވީއައިއޭގައި ބޭއްވި ރަސްމިއްޔާތުގެ ތެރެއިން / ފޮޓޯ: އެމްއޭސީއެލް
މިއަދުގެ ރަސްމިއްޔާތުގައި އެޑެލްވައިސްގެ ޗެކިންގ ކައުންޓަރު ރަސްމީކޮށް ހުޅުވައި އެ ފުލައިޓުން ރާއްޖެ އައި 205 ފަސިންޖަރުންނަށް ވަނީ ހަދިޔާ ދީފައެވެ. އަދި ޓަމިނަލް 1 އަށް ކައިރިކުރި އެ އެއާލައިންގެ ފުރަތަމަ ފުލައިޓް WK066 އިން ރާއްޖެ އައި 271 ފަސިންޖަރުންނަށް ވަނީ ސަގާފީ ހަރަކާތްތަކާއެކު ހޫނު މަރުހަބާއެއް ކިޔާފައެވެ.
އެޑެލްވައިސް އަށް ޓާމިނަލް 1 އިން ޚިދުމަތް ދިނުމުގެ ގޮތުން މިއަދު ވީއައިއޭގައި ބޭއްވި ރަސްމިއްޔާތުގެ ތެރެއިން / ފޮޓޯ: އެމްއޭސީއެލް
ސްވިސް ލެއިޝާ އަދި ޗާޓަ އެއާލައިން، އެޑެލްވައިސްގެ ހިދުމަތް ރާއްޖެއަށް ފެށީ 2000 ވަނަ އަހަރުގެ ނޮވެމްބަރު 4 ގައެވެ. މިއަދަކީ އެ އެއާލައިނުން ރާއްޖެއަށް ދަތުރުކުރާތާ 25 އަހަރު ފުރުނު ދުވަހެވެ.
