މާލެ-ހުޅުމާލެ ހައިވޭގައި ނުރައްކާތެރި އެކްސިޑެންޓޭއް ހިނގައި ދެ ކާރަކަށް ބޮޑެތި ގެއްލުންތަކެއް ވެއްޖެ އެވެ.
ފުލުހުން ބުނެފައިވަނީ މި އެކްސިޑެންޓު ހިނގާފައިވަނީ ހުޅުމާލެ އިން މާލެ އަށް އަންނަ ފަޅީގައި ކަމަށާއި ފުލުހުންނަށް މި އެކްސިޑެންޓުގެ ރިޕޯޓު ލިބިފައިވަނީ މިއަދު ހަވީރު 16:00 ގައި ކަމަށެވެ.
ދެ ކާރެއް ޖެހި މި އެކްސިޑެންޓު ހިނގާފައިވަނީ އޯވާޓޭކް ކުރަން އުޅުމުގެ ތެރޭގަ އެވެ. މި އެކްސިޑެންޓުގައި މީހަކަށް އަނިޔާ ލިބިފައި ނުވާ ކަމަށް ފުލުހުން މައުލޫމާތު ދެއެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.
ހައިވޭގައި މިފަދަ އެކްސިޑެންޓުތައް ކޮންމެ ދުވަހަކުވެސް ދަނީ ވަމުންނެވެ. އެކްސިޑެންޓުތައް މަދުކުރުމަށް ކަމާބެހޭ އިދާރާތްތަކުން ދަނީ ގިނަގުނަ ފިޔަވަޅުތަކެއް އަޅަމުންނެވެ.
