ރަނގަޅު ނިންމެވުންތައް ނިންމެވުމުގައި ގިނަ ވެރިން ފެއިލްވަނީ ނުފޫޒުގައި ޖެހި ދީއްލާލެވިގެން ކަމަށް ފިޝަރީޒް މިނިސްޓަރު އަހުމަދު ޝިޔާމް މިއަދު ވިދާޅުވެއްޖެ އެވެ.
މިނިސްޓަރު ޝިޔާމް މި މޭރުމުން ވިދާޅުވީ، 2007 ވަނަ އަހަރުން ފެށިގެން އުފަންވެފައިވާ ކުދިންނަށް ދުންފަތުގެ ޖެނެރޭޝަނަލް ބޭން ތަންފީޒުކުރުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ނިންމެވުމާ ގުޅިގެން އެކްސްގައި ހިއްސާކުރެއްވި ޕޯސްޓެއްގަ އެވެ. މިކަމަކީ ވޭތުވެދިޔަ ސަރުކާރުތަކަށް ކުރަން އުނދަގޫވި އެހެނަސް ގައުމެއްގެ މުސްތަގުބަލަށް ވެރިއަކަށް ކޮށްދެއްވޭނެ އެންމެ މުހިއްމު ކަމެއްކަމަށް މިނިސްޓަރު ޝިޔާމް ވިދާޅުވި އެވެ.
Advertisement
މިނިސްޓަރު ޝިޔާމް ވިދާޅުވީ، ވެރިން މިފަދަ ކަންކަން ކުރައްވަން އުޅުއްވާއިރު ހީނުކުރާ ޒާތުގެ ފިއްތުންތަކާ އެކިކަހަލަ ނުފޫޒު ފޯރުވަން މަސައްކަތްކުރާ ފަރާތްތައް އަބަދުވެސް ތިބޭނެ ކަމަށާއި. ރަނގަޅު ނިންމެވުންތައް ނިންމެވުމުގައި ގިނަވެރިން ފެއިލްވަނީ އެކިކަހަލަ ނުފޫޒުގައި ޖެހި ދީއްލާލެވިގެން ކަމަށެވެ.
"ގައުމެއްގެ ހަޔާތުގައި މިފަދަ ކަންކަން ކުރެވެނީ ނިކަން މައިބަދަ ވަރުގަދަ ވެރިންނަށް،" --- މިނިސްޓަރު ޝިޔާމް ކުރެއްވި ޕޯސްޓުގައި ވިދާޅުވި އެވެ.
އެހެންނަމަވެސް ގައުމާ ރައްޔިތުންގެ ހައްގުގައި ކިތަންމެ އުނދަގޫ ނިންމެވުމެއް ނިންމަވާ ތަންފީޒު ކުރައްވާނެ ވެރިއެއްކަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ސާބިތުކޮށްދެއްވާފައިވާ ކަމަށް މިނިސްޓަރު ޝިޔާމް ވިދާޅުވި އެވެ.
މިނިސްޓަރު ޝިޔާމް ވަނީ ރައީސްގެ މި ނިންމެވުމަށް މަރުހަބާ ވިދާޅުވެ މިފަދަ ނިންމުމެއް ނިންމެވޭތީ އެމަނިކުފާނަށް ޝުކުރު އަދާކޮށްފަ އެވެ.
