ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިނިސްޓަރަކަށް ހުންނަވައިގެން ކުރެއްވި މަސައްކަތްޕުޅުތަކަށް ބެލި ނަމަވެސް، މިއަދު އެމަނިކުފާނަށް މިއަށްވުރެ ބޮޑު ދައުރެއް (ވެރިކަން) ލިބިވަޑައިގަތުމުން ތަރައްގީގެ ތަފާތު އިތުރަށް ފެނިގެންދާނެ ކަމަށް ފިޝަރީޒް މިނިސްޓަރު އަޙްމަދު ޝިޔާމް ވިދާޅުވެއްޖެއެވެ.
މިނިސްޓަރު ޝިޔާމް މިހެން ވިދާޅުވީ މިއަދު ހަވީރު ތިލަމާލެ ބްރިޖުގައި ރައީސް ޑރ. މުއިއްޒާއެކު ފައިމަގުގައި މާލެއިން ވިލިމާލެއަށް ހުރަސްކުރެއްވުމަށްފަހު "ޚުލާސާ" އަށް ދެއްވި ހާއްސަ އިންޓަވިއުއެއްގައެވެ.
ޝިޔާމް ވިދާޅުވީ ސިނަމާލެ ބްރިޖުގެ މަޝްރޫޢަށް ބެލި ކަމުގައި ވިޔަސް، ރައީސް ޑރ. މުއިއްޒުގެ ގާބިލުކަން ވަރަށް ރަނގަޅަށް ސާބިތުވެފައިވާ ކަމަށެވެ. އަދި ގައުމުގެ އެންމެ އިސް ވެރިޔާގެ ހައިސިއްޔަތުން އެމަނިކުފާނަށް ލިބިވަޑައިގެންފައިވާ ބޮޑު ދައުރާއެކު، ޤައުމަށް ގެންނަވާ ތަރައްގީގެ ބަދަލުތައް މާ ފުރިހަމައަށް ފެންނަމުންދާ ކަމަށް ޝިޔާމް ފާހަގަކުރެއްވިއެވެ.
Advertisement
"އަޅުގަނޑުމެންނަށް މި ފެންނަނީ އަމަލުން ރައީސް ދައްކަވާ މަންޒަރު. މިއީ ރައީސް ޑރ. މުއިއްޒު ތިލަމާލެ ބްރިޖުގެ ސައިޓަށް ވަޑައިގެންނެވި ފުރަތަމަ ފަހަރެއް ނޫން،" އަހްމަދު ޝިޔާމް މުހައްމަދުމީގެއިތުރުން، މީގެ ކުރިން ތިލަމާލެ ބްރިޖުގެ މަސައްކަތް އެދެވޭ ސްޕީޑެއްގައި ކުރިއަށް ނުދާތީ، ކަމާގުޅުންހުރި ފަރާތްތަކާ އެކީ މަޝްވަރާކުރައްވައި ކުރިމަތިވި ގޮންޖެހުންތަކަށް ރައީސް ހައްލު ހޯއްދަވައިދެއްވި ކަމަށް މިނިސްޓަރު ވިދާޅުވިއެވެ. އަދި އޭގެ ނަތީޖާއެއްގެ ގޮތުން މިއަދު މާލެއާއި ވިލިމާލެ ގުޅުވާލެވިފައިވާ ކަމަށާއި، ބްރިޖުގެ ދެން އޮތް ބައިތަކުގެ މަސައްކަތް ކުރިއަށްދާ ހަލުވި ދުވެލިވެސް ސާފުކޮށް ފެންނަމުންދާ ކަމަށް އެމަނިކުފާނު ވިދާޅުވިއެވެ.
ޝިޔާމް އިތުރަށް ފާހަގަކުރެއްވި ގޮތުގައި، ހަގީގަތަކީ ސަރުކާރުގެ ތަރައްގީގެ ޕްރޮޖެކްޓުތަކުގައި ކުލަ ޖެހެމުންދާ މަންޒަރެވެ. އަދި މި ބްރިޖު މަޝްރޫޢު ފުރިހަމަވެގެން ދިއުމަކީ ވަރަށް ގިނަ ރައްޔިތުންގެ ޢާންމު ދިރިއުޅުމަށާއި، ވިޔަފާރިތަކަށް އިންތިހާއަށް ބޮޑު ލުއިފަސޭހަކަމެއް ގެނެސްދޭނެ ކަމެއް ކަމުގައިވެސް މިނިސްޓަރު ވިދާޅުވިއެވެ.
