ފަލަސްޠީނުގެ ބިމަށް ގަދަކަމުން ވެރިވެގަނެ ޣައްޒާގައި ޤަތުލުޢާންމު ހިންގި އިސްރާއީލުގައި ނުރައްކާތެރި ވައިރަހެއް ފެތުރި، އެ ޤައުމު ބިރުވެރިކަމެއްގެތެރެއަށް ވެއްޓިއްޖެ ކަމަށް ހިބްރޫ މީޑިއާއިން ބުނެފިއެވެ.

މިހާތަނަށް 8 މީހުން މަރުވެ 1700 އަށް ވުރެ ގިނަ މީހުންނަށް ބަލި ޖެހިފައިވާއިރު މި ބަލި ކޮންޓްރޯލް ކުރުމަށް އިސްރާއީލުގެ ކަމާބެހޭ ފަރާތްތަކުން ދަނީ މަސައްކަތް ކުރަމުންނެވެ.

މިހާރު ވެސް ދިހަވަރަކަށް މީހުންގެ ޙާލު ސީރިއަސް ކަމަށް މީޑިއާތަކުން ބުނާއިރު މީސްލްސް ވައިރަސް ވަނީ ޤުދުސްގެ ބައެއް ހިސާބުތަކާއި މެދުތެރޭގެ ޑިސްޓްރިކްޓްތައް ހިމެނޭ ގޮތަށް ނުވަ ސަރަޙައްދަކަށް ފޯރާފައި ކަމަށް ބުނެ، ރައްޔިތުން ސަމާލުވުމަށް އިސްރާއީލުގެ ހެލްތު މިނިސްޓްރީން ދަނީ އިންޒާރުތައް ދެމުންނެވެ.

ބައެއް ރިޕޯޓްތައް ބުނާ ގޮތުގައި ވައިރަހާއި ކުރިމަލިލާފައިވާ މީހުންގެ އަސްލު ޢަދަދު 5،000 އަށް ވުރެ ގިނައެވެ. އެ ޤައުމުގެ ޞިއްޙީ ބޭފުޅުން ބުނާ ގޮތުގައި މިހާތަނަށް 470 ކުދިން ވަނީ ހޮސްޕިޓަލުގައި އެޑްމިޓްކޮށްފައި ކަމަށާއި އޭގެ ތެރެއިން %93 ކުދިންނަކީ ހަ އަހަރުން ދަށުގެ ކުދިންނެވެ.