ކުލަބް މޯލްޑިވްސް ކަޕުގެ ފައިނަލަށް އާރުޑީސީ އާއި އެސްޓީއޯ ދަތުރުކޮށްފި އެވެ.
ސެމީ ފައިނަލުގެ މެޗުތައް ރޭ ކުޅެފައިވާއިރު އާރުޑީސީ ވަނީ 3-9 އިން މޯލްޑިވިއަން ބަލިކޮށްފަ އެވެ. އަދި 0-2 ގެ ނަތީޖާއިން އެސްޓީއޯ ވަނީ އެމްޕީއެލް ބަލިކޮށްފަ އެވެ.
އާރުޑީސީ އަދި މޯލްޑިވިއަން މެޗުގައި މޮޅު ކުޅުންތެރިޔާގެ މަގާމު ހޯދު އާރުޑީސީގެ އާދަމް ނާސިހް ވަނީ ހަތަރު ގޯލު ޖަހާފަ އެވެ. އަދި އަލީ ޝާމިސް ވަނީ ހެޓް-ޓްރިކެއް ހަދާފަ އެވެ. ދެން އާރުޑީސީގެ ގޯލުތައް ޖަހާފައިވަނީ މުހްސިން މޮންޓަމޭޒީ އާއި އަހްމަދު އަފްލާޒެވެ. މޯލްޑިވިއަންގެ ގޯލުތައް ޖަހާފައިވަނީ ހުސައިން މައިޝަން އާއި އަހްމަދު އަޒްމީން އެވެ.
އެސްޓީއޯ-އެމްޕީއެލް މެޗަށް ބަލާއިރު ފުރަތަމަ ގޯލު ޖަހާފައިވަނީ އަހްމަދު ރާހިލް ރަޝީދެވެ. ދެވަނަ ގޯލު ޖެހީ މުހައްމަދު އިމްރާނެވެ.
އެސްޓީއޯ އަދި އާރުޑީސީ ކުޅޭ ފައިނަލް މެޗު އޮންނާނީ 25 އޮކްޓޫބަރު ވާ ހޮނިހިރު ދުވަހުގެ ރޭ ގައެވެ.
