އިންސާނުންނާއި ނުލައި 99 އިންސައްތައިގެ މަސައްކަތް ކުރިޔަށްގެންދާ ދުނިޔޭގެ ފުރަތަމަ އޮޓޮމެޓިކް އަދި ޒީރޯ ކާބަން ކޮންޓެއިނަރު ޓާމިނަލް ބަނދަރު ޗައިނާގެ ޓިއަންޖިންގައި ހުކުރު ދުވަހު ރަސްމީކޮށް ހުޅުވައިފިއެވެ.
ބެއިޖިންގެ އިރުދެކުނު ދެކުނުން ގާތްގަނޑަކަށް 170 ކިލޯމީޓަރު ދުރުގައި އޮންނަ މި ބަނދަރަކީ ދުނިޔޭގެ އެންމެ ބިޒީ އެއް ވިޔަފާރި ބަނދަރު ވެސް މެއެވެ.
އަހަރަކު 20 މިލިއަން ކޮންޓެއިނަރު ބަލަހައްޓާ މި ބަނދަރުގައި މަސައްކަތްކުރަނީ އިންސާނުންގެ އެންމެ ޕަސެންޓެކެވެ. އެއީވެސް ސުޕަވައިޒް ކުރުމަށެވެ. މި ބަނދަރު ހިންގަނީ އިލެކްޓްރިކް ރޮބޮޓް ޓްރާންސްޕޯޓް ވެހިކަލާއިމއޭއައި އިން އޮޕަރޭޓްކުރާ ބްރިޖް ކްރޭނާއި، އަދި ޗައިނާގެ ބެއިޑޫ ނެވިގޭޝަން ސެޓެލައިޓް ސިސްޓަމް ބޭނުންކޮށްގެންނެވެ.
Advertisement
ޗައިނާއިން ބުނާ ގޮތުގައި ކޮންޓެއިނަރުތައް އަންލޯޑް ކުރުމުން ފެށިގެން ޖެހިގެން އޮންނަ ދަތުރާއި ހަމަޔަށް ކުރަންޖެހޭ ހުރިހާ ކަމެއް މި ބަނދަރުގައި މެނޭޖް ކުރަނީ އިންޓެލިޖެންޓް ކޮންޓްރޯލް ސިސްޓަމްތަކެއް މެދުވެރިކޮށެވެ.
މި ޓާމިނަލް މުޅިން ހިންގަނީ މުޅިންވެސް އިއާދަކުރަނިވި ހަކަތައިން ކަމަށް ވާއިރު، މިއީ ދުނިޔޭގެ މިފަދަ ފުރަތަމަ ބަނދަރެވެ.
