ޕާކިސްތާނުން އަފްޣާނިސްތާނުގެ ކަންދަހާރަށް ބޮން އަޅައި އެތައްބަޔަކު ޝަހީދުކޮށްލައިފިއެވެ.
މަޢުލޫމާތު ލިބެމުންދާ ގޮތުގައި 14 އަށް ވުރެ ގިނަ ޢާންމުން ޝަހީދުވެފައިވާއިރު 100 އަށްވުރެ ގިނަ މީހުންނަށް ވަރަށް ބޮޑެތި ޒަޚަމްތަކެއް ލިބި ހޮސްޕިޓަލްތަކުގައި ދަނީ ފަރުވާދެމުންނެވެ.
ޕާކިސްތާނުގެ އަސްކަރީ މަސްދަރުތަކުން ބުނާ ގޮތުގައި އެމީހުންގެ ސިފައިން ޙަމަލާ ދިނީ އަފްޣާނިސްތާނުގެ ސިފައިންނަށް އަމާޒުކޮށެވެ. ސަބަބަކީ ޕާކިސްތާނުގެ ބޯޑަރު ޕޯސްޓްތަކަށް ޠާލިބާނުން ޙަމަލާދީ ގެއްލުންތައް ދީފައިވާތީއެވެ.
ތާލިބާނުންގެ ތަރުޖަމާނު ޒަބީހުالله މުޖާހިދު ވިދާޅުވީ ޕާކިސްތާނުން ޙަމަލާ ދިނީ ޢާންމުން ދިރިއުޅޭ ސަރަޙައްދުތަކަށް ކަމަށާއި އެތައް ސަތޭކަ ބަޔަކު ގެދޮރު ދޫކޮށް ފިލަން ގޮސްފައިވާ ކަމަށެވެ.
