ކާރުން ސައިކަލެއްގައި ޖެހި އެކްސިޑެންޓުވުމުން އަނިޔާވި މީހާ ހޮސްޕިޓަލަށް ގެންގޮސްދިނުމަށް ފަހު އެކްސިޑެންޓް ރިޕޯޓު ނުކޮށް ދިޔަ ފުލުހަކު ހައްޔަރުކުރުމުން ކޯޓުން އެ މީހާ ދޫކޮށްލައިފި އެވެ.
މި މައްސަލައިގައި ހައްޔަރުކޮށްފައިވަނީ އުމުރުން 33 އަހަރުގެ ދިވެހި ފިރިހެނެކެވެ. އޭނާ އަކީ ފުލުހުންގެ ވަޒީފާގައި އުޅޭ މީހެކެވެ.
އޭނާ ހައްޔަރުކޮށް ބަންދު މުއްދަތު ޖެހުމަށް ކޯޓަށް ގެންދިއުމުން ކޯޓުން އިއްޔެ ވަނީ ޝަރުތު ކުރުމަށްފަހު އޭނާ ބަންދުން ދޫކޮށްލާފަ އެވެ.
Advertisement
މި މައްސަލައިގައި ފުލުހުން ކޯޓުގައި ބުނެފައިވަނީ މީނާގެ ނަންމަތީގައި ރަޖިސްޓްރީ ކޮށްފައިވާ ކާރަކުން އެކްސިޑެންޓެއް ހިނގައި، އަނިޔާވި ފަރާތް ކޯޓަށް ގެންދިއުމަށްފަހު ކާރު ދުއްވި މީހާ ފުލުހުންނަށް އެކަން ރިޕޯޓު ނުކޮށް ފިލާފައިވާ ކަމަށެވެ.
ފުލުހުން ބުނީ މިހާރު އެ މީހާ ވަނީ ސަސްޕެންޑު ކޮށްފައި ކަަމަށެވެ.
