ނިމިދިޔަ ސެޕްޓެމްބަރު މަހުގެ ނުކުޅެދުންތެރިކަން ހުންނަ ފަރާތްތަކަށް ބޭނުންވާ ތެރަޕިއުޓިކް ފަރުވާއަށް ހަތް މިލިއަނަށްވުރެ ގިނަ ރުފިޔާ ހަރަދުކުރި ކަމަށް ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ)އިން ހަރަދުކުރި ކަމަށް އެކުންފުނީގެ ތަފާސް ހިސާބުތަކުން ދައްކައިފި އެވެ.

އެންސްޕާގެ ތަފާސްހިސާބުތަކުން ދައްކާ ގޮތުގައި، ޖުމުލަ 290 ނުކުޅެދުންތެރިކަން ހުންނަ ފަރާތަކަށް ވަނީ ތެރަޕިއުޓިކް ފަރުވާ ދެވިފަ އެވެ. އެއީ 78 އަންހެނުންނާއި 212 ފިރިހެނުންނަށެވެ.

ނުކުޅެދުންތެރިކަން ހުންނަ ފަރާތްތަކަށް ދެވިފައިވާ ފަރުވާގެ ބާވަތްތަކަށް ބަލާއިރު:

1. ބިހޭވިއާ ތެރަޕީ: ބިހޭވިއާ ތެރަޕީއަށް ޖުމުލަ 2،131،630 ރުފިޔާ ވަނީ ހަރަދުކޮށްފަ އެވެ. 72 އަންހެނުންނާއި، 163 ފިރިހެނުންނާއެކު ޖުމުލަ 235 ފަރާތަކުން ވަނީ ބިހޭވިއާ ތެރަޕީ ފަރުވާ ހޯދައިފަ
2. އޮކިއުޕޭޝަނަލް ތެރަޕީ: އޮކިއުޕޭޝަނަލް ތެރަޕީއަށް ޖުމުލަ 1،796،726 ރުފިޔާ ވަނީ ހަރަދުކޮށްފަ އެވެ. 73 އަންހެނުންނާއި، 160 ފިރިހެނުންނާއެކު ޖުމުލަ 233 ފަރާތަކުން ވަނީ އޮކިއުޕޭޝަނަލް ތެރަޕީ ފަރުވާ ހޯދައިފަ
3. ސައިކޯ ތެރަޕީ: ސައިކޯ ތެރަޕީއަށް ޖުމުލަ 19،850 ރުފިޔާ ވަނީ ހަރަދުކޮށްފަ، ސައިކޯ ތެރަޕީ ފަރުވާ ހޯދާފައިވަނީ އެންމެ ދެ އަންހެނުން
4. އާލީ އިންޓަވެންޝަން: އާލީ އިންޓަވެންޝަންއަށް ޖުމުލަ 939،140 ރުފިޔާ ވަނީ ހަރަދުކޮށްފަ، އޭގެތެރޭގައި 40 އަންހެނުންނާއި، 111 ފިރިހެނުންނާއެކު ޖުމުލަ 151 ފަރާތެއް ހިމެނޭ
5. ސްޕީޗް ތެރަޕީ: ސްޕީޝް ތެރަޕީއަށް ޖުމުލަ 1،663،201 ރުފިޔާ ވަނީ ހަރަދުކޮށްފަ، 71 އަންހެނުންނާއި، 147 ފިރިހެނުންނާއެކު ޖުމުލަ 218 ފަރާތަކުން ވަނީ ސްޕީޗް ތެރަޕީއަށް ފަރުވާ ހޯދައިފަ
6. އެޑިއުކޭޝަނަލް ތެރަޕީ: އެޑިއުކޭޝަނަލް ތެރަޕީއަށް ޖުމުލަ 925،155 ރުފިޔާ ވަނީ ހަރަދުކޮށްފަ، 46 އަންހެނުންނާއި، 95 ފިރިހެނުންނާއެކު ޖުމުލަ 141 ފަރާތަކުން ވަނީ ސްޕީޗް ތެރަޕީއަށް ފަރުވާ ހޯދައިފަ
7. ފިޒިއޯ ތެރަޕީ: ސްޕީޝް ތެރަޕީއަށް ޖުމުލަ 103،922 ރުފިޔާ ވަނީ ހަރަދުކޮށްފަ 11 އަންހެނުންނާއި، ހަތަރު ފިރިހެނުންނާއެކު ޖުމުލަ 15 ފަރާތަކުން ވަނީ ފިޒިއޯ ތެރަޕީއަށް ފަރުވާ ހޯދައިފަ

އެންސްޕާއިން ތެރަޕިއުޓިކް ފަރުވާތަކަށް 7،732،803.50 ރުފިޔާ ހަރަދުކޮށްފައިވާއިރު އެންމެ ގިނައިން ތެރަޕިއުޓިކް ފަރުވާ ހޯދާފައިވަނީ ފިރިހެނުންނެވެ.