ލިވަޕޫލްގެ ޕޯޗުގީޒު އެޓޭކިން މިޑްފީލްޑަރު ފަބިއޯ ކަވާލިއޯ 27.5 މިލިއަން ޕައުންޑުގެ އެއްބަސްވުމެއްގައި ސޮއިކުރުމަށް ބްރެންޓްފޯޑް އާއެކު އެއްބަސްވުމަކަށް އަތުވެއްޖެ އެވެ. މީގެ ކުރިން ފުލަމް އަށް ކުޅުނު އުމުރުން 21 އަހަރުގެ ކުޅުންތެރިއާ ހުޅަނގު ލަންޑަނަށް ދާނީ މެޑިކަލް އެއް ހިމެނޭ ގޮތަށް ރަސްމީ ކަންތައްތައް ނިމުމުންނެވެ. 2027 ވަނަ އަހަރާ ހަމައަށް ލިވަޕޫލާ އެކު ކޮންޓްރެކްޓްގައި ހުރި ކަވާލިއޯ އެންފީލްޑްގައި އުޖާލާ ފެށުމެއް ލިބުނު ނަމަވެސް ފުރަތަމަ 11އިން ލިބޭ ފުރުސަތުތައް މަދުވުމުން މިދިޔަ ސީޒަނުގައި ލޯނެއްގެ ދަށުން އާރުބީ ލައިޕްޒިގާއި ހަލް ސިޓީގައި ކުޅެފައިވެ އެވެ.

ލިވަޕޫލްގެ އާ ކޯޗު އާނޭ ސްލޮޓްގެ އިރުޝާދުގެ ދަށުން ޕްރީ ސީޒަނުގައި އުއްމީދީ ކުޅުމެއް ދެއްކި ނަމަވެސް، ކަވާލިއޯ ބެލެވުނީ ޝަރުތުތަކަށް ވުރެ ސާޕްލަސް ކުޅުންތެރިއެއްގެ ގޮތުގަ އެވެ.

ކަވާލިއޯ ގެންދިޔުމުގެ މި ޑީލްގައި ލިވަޕޫލަށް %17.5 ލިބޭއިރު ސްލޮޓްގެ އިރުޝާދުގެ ދަށުން އަދި ސީނިއާ ކުޅުންތެރިއަކު ސޮއިކޮށްފައި ނުވާ ލިވަޕޫލުން ކަވާލިއޯ ވިއްކާލުމުން ލިބޭ ފައިސާ ބޭނުންކޮށްގެން ޔޫރޯ 2024 ވަނަ އަހަރުގެ މިޑްފީލްޑަރެއް ކަމަށްވާ ރެއާލް ސޮސިއެޑާޑްގެ މާޓިން ޒުބިމެންޑީ ހޯދުމުގެ މަސައްކަތް ކުރާނެ ކަމަށް ބެލެވެ އެވެ.