ޓެކްސް އެޕީލް ޓްރައިބިއުނަލްގެ ހުސްވެފައިވާ މަގާމަށް މަހާޒު އަލީ ޒާހިރު އައްޔަނުކުރުމަށް ނުފެންނަ ކަމަށް ރަައްޔިތުންގެ މަޖިލީހުން ނިންމައިފި އެވެ.
ޓެކްސް އެޕީލް ޓްރައިބިއުނަލްގެ ހުސްވެފައިވާ މަގާމަށް މަހާޒު އަލީ ޒާހިރު އައްޔަނުކުރުމަށް ރަައްޔިތުންގެ މަޖިލީހުގެ ރުހުން ހޯދަން މިއަދު ނެގުނު ވޯޓުގައި ބައިވެރިވި 46 މެމްބަރުންގެ ތެރެއިން 41 މެމްބަރަކު އޭނާ އެ މަގާމަށް އައްޔަނުކުރުމަށް ނުފެންނަ ކަމަށް ވަނީ ވޯޓު ދެއްވައިފަ އެވެ. އެ މަގާމަށް މަހާޒު އައްޔަނު ކުރުމަށް ފެންނަ ކަމަށް ވޯޓު ދެއްވީ އެންމެ ހަތަރު މެމްބަރުންނެވެ. ވަކި ގޮތަކަށް ވޯޓު ދެއްވަން ނުފެންނަ ކަމަށް ވޯޓު ދެއްވީ އެންމެ މެމްބަރެކެވެ.
ޓެކްސް އެޕީލް ޓްރައިބިއުނަލްގެ ހުސްވެފައިވާ ދެ މަގާމަށް ބޭފުޅުން އައްޔަނުކުރެއްވުމަށް، ރައީސް ޑރ. މުހައްމަދު މުއިއްޒު ހަތް ބޭފުޅެއްގެ ނަން މަޖިލީހަށް ފޮނުއްވެވީ މި މަހުގެ ދެވަނަ ދުވަހު އެވެ. ރައީސް މުއިއްޒު ވަނީ ޓެކްސް އެޕީލް ޓްރައިބިއުނަލް އަށް ކުރިމަތިލެއްވި ބޭފުޅުންގެ ނަންތައް އެމަނިކުފާނު އިސްކަންދެއްވާ ތަރުތީބުން މަޖިލީހަށް ފޮނުއްވައިފަ އެވެ.
ރައީސް ފޮނުއްވި ލިސްޓުގެ އެންމެ ކުރީގައި އޮތީ ވެސް މަހާޒު އަލީ ޒާހިރުގެ ނަމެވެ. ދެވަނަ އަށް އޮތީ ރ. ހުޅުދުއްފާރު، ރޯޒްވިލާ، އާޝިޔާ އަޒީމާގެ ނަމެވެ.
ރައީސް ފޮނުއްވި ލިސްޓުގައި ދެން ހިމެނެނީ:
- އިބްރާހިމް އަފީފު- ގުލްބަހާރުގެ/ ބ. ތުޅާދޫ
- ޝިފާޒް އަލީ- ދަފްތަރު ނަމްބަރު (12504)
- ފާތިމަތު ނައުޝާން- ޅ. ނައިފަރު، ފިޔާތޮށިގެ
- އަހުމަދު ޔާމީން- ބީޗްކޯނަރު، ގދ. ގައްދޫ
- ޝައުފާ އިބްރާހިމް- އަކިރިވިލާ، ދ. މީދޫ
މަހާޒް އަލީ ޒާހިރު އަކީ ސުލޫކީ މައްސަލައަކާ ގުޅިގެން ސުޕްރީމް ކޯޓުގެ ފަނޑިޔާރުކަމުގެ މަގާމުން ވަކިކުރި މީހެކެވެ.
