ސްވިޑެންގެ ތިމާވެށީގެ އެކްޓިވިސްޓް ގްރިއެތަ ތުންބަރީ އިސްރާއީލުން ގްރީސް އަށް ފޮނުވާލައިފިއެވެ. ގްލޯބަލް ޞުމޫދު ފްލޮޓިއްލާގައި އިސްރާއީލު ސިފައިންގެ ބެލުމުގެ ދަށަށް ގެންދިޔަ މީހުންގެ ތެރެއިން ދުނިޔޭގެ މީޑިއާގެ ސަމާލުކަމަށް އެންމެ ބޮޑަށް އައީ ވެސް އޭނާ އަށެވެ.
ގްލޯބަލް ޞުމޫދު ފްލޮޓިއްލާއިން އިސްރާއީލުގެ ސިފައިން ސްވިޑެންގެ ގްރިއެތަ ތުންބެރީ ހައްޔަރުކުރާއިރު އޭނާ ހެވިފައި / ފޮޓޯ؛ އިސްރާއީލް ފޮރިން މިނިސްޓްރީ
އިސްރާއީލްގެ ސިފައިން ގްރިއެތަ އިސްރާއީލުން 170 އެކްޓިވިސްޓުންނާއި އެކު ގްރިއެތަ ތުންބަރީ ފޮނުވައިލިއިރު ހުކުރު ދުވަހުގެ ރެއާއި ހޯމަ ދުވަހުގެ ހެނދުނު އިސްރާއީލުން ވަނީ ބަންދުގައި ތިބި ގިނަ މީހުން ޑީޕޯޓްކޮށް، އެއްބަޔަކު ތުރުކީވިލާތާއި ގްރީސް އަދި ސްލޮވާކިއާ އަށް ފުރުވާލާފައެވެ.
އިސްރާއީލުގެ ޖަލުގައި އެކްޓިވިސްޓުންނަށް އަނިޔާކޮށް ކޮށިކޮށްޓަށް ލައި ފާޚާނާގެ ފެން ބޯންދީ ރާމާމަކުނުހެން ގެނަގުޅުނުއިރު ތިމާވެށީގެ އެކްޓިވިސްޓަށް ބުލީކޮށް ވަރަށް ހުތުރުބަހުން އޭނާ އާއި މުޢާމަލާތް ކޮށްފައިވެއެވެ.
އިސްރާއީލުގެ އަސްކަރީ ތަރުޖަމާނު ޝަރޫޒް ޝަލިކާރް ބުނީ ގްރިއެތަ އަކީ ހައްދުފަހަނަޅާފައިވާ ވިސްނުން ގެންގުޅޭ މީހެކެވެ.
އިސްރާއީލުގެ އެޑިއުކޭޝަން މިނިސްޓްރީން ވަނީ ސްކޫލް ޓެކްސްޓް ފޮތްތަކުގައި ތިމާވެށީގެ ކަންކަމާއި ބެހޭގޮތުން ގްރިއެތަ ތުންބަރީއަށް ރިފެރެންސް ދީފައި ލިޔެފައިވާ ލިޔުންތައްވެސް އުނިކޮށް، އޭނާގެ ވާހަކަތަކަކީ ދަރިވަރުންނަށް އަޚްލާޤީ މިންގަނޑުން ވެސް އަދި ތަޢުލީމީ ގޮތުން ވެސް ނަމޫނާއެއްގެ ގޮތުގައި ޝަރުޠު ހަމަނުވާ ކަމަށް ނިންމާފައެވެ.
