ހަވަނަ އިންޑިއާ މޯލްޑިވްސް ޑިފެންސް ޑައިލޮގްގައި ބައިވެރިވުމަށް ރާއްޖެ ވަޑައިގެން އުޅުއްވާ އިންޑިއާ ވަފުދުގެ ބޭފުޅުން ގައުމީ ދާރުލްއާސާރަށް ޒިޔާރަތްކުރައްވައިފި އެވެ.
އެ ބޭފުޅުން ގައުމީ ދާރުލްއާސާރަށް ޒިޔާރަތް ކުރައްވާފައިވަނީ މިއަދުގެ ވަގުތެއްގަ އެވެ.
ދިވެހިރާއްޖޭގެ ގައުމީ ދާރުލްއާސާރަށް ކުރެއްވި ޒިޔާރާތުގައި އެ ބޭފުޅުން ވަނީ ދާރުލްއާސާރު ބައްލަވާލައްވައިފަ އެވެ. މީގެ އިތުރުން، އެތަނުގައި ތަރުތީބުކޮށްފައިވާ އާސާރީ ތަކެއްޗާ ބެހޭ ތަފްސީލްތައް ދާރުލްއާސާރުގެ ފަރާތުން އެ ބޭފުޅުންނަށް ވަނީ ހިއްސާކުރައްވައިފަ އެވެ. އާސާރީ ތަކެއްޗާ ބެހޭ މައުލޫމާތު އެ ބޭފުޅުންނަށް ހިއްސާކުރެއްވީ ތަރިކަ ރައްކާތެރިކުރާ ގައުމީ މަރުކަޒުގެ ގައިޑުންނެވެ.
Advertisement
ފަހަކަށް އައިސް، ދާރުލްއާސާރަށް ޒިޔާރަތްކުރާ ބޭރުގެ ވަފުދުތަކާއި، ފަތުރުވެރިންނާއި، ދިވެހިންނާއި، ސްކޫލު ކުދިންގެ އިތުރުން ކޮލެޖުތަކުގައި ކިޔަވަމުން ދަރިވަރުންގެ އަދަދު އިތުރުވަމުން އަންނަކަން ފާހަގަކޮށްލަންޖެހެ އެވެ.
