މަޖިލީހުގެ ތިން ކޮމިޓީއެއްގައި ހިމެނޭ ބައެއް މެމްބަރުނަަށް ބަދަލު ގެނެސްފި އެވެ.

މަޖިލީހުގެ ރައީސް އަބްދުއްރަހީމް އަބްދުުުުުﷲ ވަނީ މިއަދުގެ ޖަލްސާގައި ގެނައި ބަދަލުތައް އިއުލާން ކޮށްފަައި އެވެ. އެގޮތުން ބަދަލު ގެނައީ އިގްތިސޯދީ ކޮމެޓީ އާއި މިނިވަން މުވައްސަސާތަކުގެ ކޮމެޓީ އާއި ހިއުމަން ރައިޓްސް ކޮމެޓީއަށެވެ.

އޭގެ ތެރެއިން އިގްތިސާދީ ކޮމެޓީއަށް ގެނައި ބަދަލުތަކަކީ އެމްޑީޕީގެ ފަރާތުން ހިމެނިވަޑައިގަން ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލްގެ ބަދަލުގައި މަރަދޫ ދާއިރާގެ މެންބަރު އަހުމަދު ދީދީ ވަނީ ހަމަޖައްސައިފަ އެވެ.

ފީއެންސީގެ ފަރާތުން ހިމެނިވަޑައިގެންނެވި މައްޗަންގޮޅި މެދު ދާއިރާގެ މެންބަރު އަހުމަދު ޒަމީރުގެ ބަދަލުގައި ކޮމިޓީއަށް ފޭދޫ ދެކުނު ދާއިރާގެ މެންބަރު އިބްރާހިމް ދީދީ ހަމަޖެއްސިއިރު ފޭދޫ އުތުރު ދާއިރާގެ މެންބަރު އިސްމާއިލް ނިޒާރުގެ ބަދަލުގައި ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު ވަނީ ހަމަޖައްސައިފަ އެވެ.

އަދި މިނިވަން މުވައްސަސާތަކުގެ ކޮމެޓީ އަށް ޕީއެންސީގެ ފަރާތުން ހިމެނިވަޑައިގެންނެވި މުލަކު ދާއިރާގެ މެންބަރު އިބްރާހިމް ނައުފަލްގެ ބަދަލުގައި ފުނަދޫ ދާއިރާގެ މެންބަރު މުހައްމަދު މަމްދޫހް ވަނީ ހަމަޖައްސާފައެވެ.

އޭގެ އިތުރަށް ފެލިދޫ ދާއިރެ މެންބަރު އާދަމް ޒާހިރުގެ ބަދަލުގައި ދިއްދޫ ދާއިރާގެ މެންބަރު އަބްދުއްލަތީފް މުހައްމަދު ހަމަޖައްސާފައިވާއިރު ތުލުސްދޫ ދާއިރާގެ މެންބަރު އިބްރާހިމް ނަސީމްގެ ބަދަލުގައި ބާރަށު ދާއިރާގެ މެންބަރު އިބްރާހިމް ޝުޖާއު ވަނީ ހަމަޖައްސާފަ އެވެ.

އިތުރުން ހިއުމަން ރައިޓްސް އެންޑް ޖެންޑާ ކޮމިޓީއަށް ޕީއެންސީގެ ފަރާތުން ހިމެނިވަޑައިގެންނެވި މާފަންނު މެދު ދާއިރާގެ މެންބަރު އަސްމާ ރަޝީދުގެ ބަދަލުގައި ހިންނަވަރު ދާއިރާގެ މެންބަރު މުހައްމަދު އަބްދުއްރަހްމާން ވަނީ ހަމަޖައްސާފަ އެވެ.