ޣައްޒާގައި ދިފާޢުގައި އެއްވެސް ކަމެއް ކުރެވެން ނެތް ބަލިކަށި ކުޑަކުދިންނާއި ޢާންމުންގެ ގަޔަށް ބަޑިޖަހަން ނަތަންޔާހޫގެ ސަރުކާރުން އަމުރު ކުރި ކަމަށް ބުނެ އިސްރާއީލުގެ ޑިފެންސް ފޯސަސް (އައިޑީއެފް) ގެ ބައެއް ސިފައިން ހިއުމަން ރައިޓްގެ ރިޕޯޓުތަކަށާއި އެކި މީޑިއާ ތަކަށް ހެކިބަސް ދޭން ފަށައިފިއެވެ. އެ މީހުން ބުނާ ގޮތުގައި އިންސާނީ އެހީ ބަހަމުންދާ ސައިޓްތަކުގެ ކައިރީގައި ތިބޭ ޢާންމުންނަށް ވެސް ޙަމަލާ ދިނުމަށް ނަތަންޔާހޫގެ ސަރުކާރުން އަމުރުކޮށްފައި ވެއެވެ.
އައިޑީއެފްގެ މީހަކު ބުނި ގޮތުގައި އިސްރާއީލުން ކަނޑައަޅައިފައިވާ "ނޯ ގޯ ޒޯންތަކަށް" ވަންނަ ކޮންމެ މީހެއްގެ ގަޔަށް ވެސް ބަޑިޖަހަން އަންގާފައިވެއެވެ.
ނަމަވެސް ބޮޑުވަޒީރު ބެންޖަމިން ނަތަންޔާހޫ އާއި ޑިފެންސް މިނިސްޓަރު އިސްރާއީލް ކަޓްޒް ވަނީ އެފަދަ އެއްވެސް އަމުރެއް ކޮށްފައި ނުވާ ކަމަށް ބުނެފައެވެ.
ނަމަވެސް، ޕްރެޝަރާއި ގުޅިގެން އައިޑީއެފްގެ މިލިޓަރީ އެޑްވޮކޭޓް ޖެނެރަލް ވަނީ މި މައްސަލަ ތަހުގީގު ކުރަން ފަށާފައި ކަމަށް ޚަބަރުތައް ބުނެއެވެ.
