ރަޝިޔާގެ ކަމްޗަޓްކާ ޕެނިންސުލާގެ އިރުމަތީ އައްސޭރިފަށާއި ކައިރިއަށް ގާތްގަނޑަކަށް 7.4 މެގްނިޓިއުޑް ގެ ބާރުގަދަ ބިންހެލުމެއް އައިސްފި ކަމަށް އެމެރިކާގެ ޖިއޮލޮޖިކަލް ސާވޭއިން ބުނެގިއެވެ.

ޖަރުމަން ރިސާޗް ސެންޓަރ ފޯ ޖިއޮސައިންސަސް (ޖީއެފްޒެޑް) އިން ބުނާ ގޮތުގައި މި ބިންހެލުން އައީ ގާތްގަނޑަކަށް 10 ކިލޯމީޓަރު ގެ އަޑިން ކަމަށާއި މި ބިންހެލުން މަރުކަޒު ކުރެވިފައި ވަނީ ޕެޓްރޯޕަވްލޮވްސްކް-ކަމްޗަޓްސްކީގެ އިރުމަތީގައި ގާތްގަނޑަކަށް 111.7 ކިލޯމީޓަރު ދުރުގައެވެ.

މި ބިންހެލުމާއި ގުޅިގެން ސުނާމީގެ ބައެއް އިންޒާރުތައް ނެރުނު ނަމަވެސް ފަހުން އެ އިންޒާރުތައް ވަނީ ކެންސަލް ކޮށްފައި ކަމަށް ޚަބަރުތައް ބުނެއެވެ.

މި ބިންހެލުމާއި ގުޅިގެން މިހާތަނަށް އެއްވެސް ގެއްލުމެއް ލިބުނު ކަމެއް ބައިނަލްއަގުވަމީ ޚަބަރުގަތުރާ ވަޞީލަތްތަކުން އަދި ރިޕޯޓްކޮށްފައެއް ނެތެވެ.