އެމެރިކާގެ ކޮންޒަވޭޓިވް އެކްޓިވިސްޓް އަދި ހައްދުފަހަނަ އަޅާފައިވާ އިސްރާއީލަށް ތާއީދުކޮށް، ޣައްޒާގެ ޤަތުލުޢާންމުގެ ދިފާޢުގައި ރޭޑިއޯ ޗެނަލްތަކާއި އެއްވުންތަކުގައި ވާހަކަދައްކަމުން ދިޔަ ޗާލީ ކަރކް، 31، ގެ ގަޔަށް ބަޑި ޖަހައި މަރާލައިފިއެވެ.
ކޮލޮރާޑޯ އާއި އިންވެގެން އޮންނަ އެމެރިކާގެ ސްޓޭޓެއް ކަމަށް ވާ ޔޫޓާ ގައި އަންގާރަ ދުވަހު ބޭއްވި އެއްވުމެއްގައި ޓްރަމްޕުގެ ގާތް އެކުވެރިޔާ މަރާލާފައި ވަނީ ސްނައިޕަރެއް އޭނާގެ ކަރަށް އަމާޒުކޮށްލައިގެން ދިން ޙަމަލާއެއްގައި ކަމަށް ދައުރުވާ ވީޑިއޯތަކުން އެނގެއެވެ.
ވާލީ ކަރަމްގެ ކަރަށް އަމާޒުކޮށް ބަޑި ޖެހުމުން ވެއްޓޭ މަންޒަރު... / ފޮޓޯ: ޚުލާޞާ ފޭސްބުކުން
ޣައްޒާގެ މުސްލިމުން ނެތިކޮށްލަން ޔަހޫދީން ހިންގާ ލާއިންސާނީ ޖަރީމާތަކާއި ދެކޮޅަށް މީހުން ވާހަކަދައްކާތީ އެ ކަންކަމާއި ދެކޮޅު ހަދައި، އިސްރާއީލުގެ ދިފާޢުގައި ވާހަކަދައްކަމުންދިޔަ ޗާލީ ކަރކް މަރައިލީ އޭނާގެ "ޕްރޫވް މީ ރޯންގް" ސެގްމަންޓުގެ ތެރެއިންނެވެ.
އޭނާ މަރައިލީ ގާތްގަނޑަކަށް 3000 ވަރަކަށް މީހުންގެ "ސިކުނޑި ދޮވެލަން"ވެގެން މީހުން އެއްކޮށްގެން "ޕްރޫވް މީ ރޯންގް" އޭ ބުނެ ނުވަތަ ތިމަންނާ މިދައްކަނީ ދޮގު ވާހަކައެއްކަން ސާބިތުކޮށްދޭށޭ ބުނެ ވާހަކަ ދައްކަމުން ދަނިކޮށެވެ.
“ޓާނިން ޕޮއިންޓް” ގެ ނަމުގައި ވެސް އެމެރިކާގައި އޭނާގެ ވަނީ ދުނިޔޭގެ އެކި ކަންކޮޅުތަކުގައި ދިރިއުޅޭ މުސްލިމުންނާއި އަދި ރަސޫލާ (ޞޢވ)ގެ ސުންނަތުގައި ހިފާ މީހުންނާއި އަދި އެ ފިކުރުތަކާއި ދެކޮޅަށް ކެމްޕޭނު ކޮށްފައިކަން ފާހަގަ ކުރެވެއެވެ.
އޭނާ މަރައިލުމާއި ގުޅިގެން ރައީސް ޑޮނަލްޑް ޓްރަމްޕް ވަނީ ވަރަށް ބޮޑަށް ކޯފާވެސް އިސްކުރައްވާފައެވެ. އަދި މިއީ "އެމެރިކާއަށް އަނދިރި ވަގުތެއް" ކަމަށާއި، މި މަހުގެ 14 (އާދީއްތަ) އާއި ހަމަޔަށް އެމެރިކާގެ ދިދަތައް ބައި ދަނޑިއަށް ތިރިކުރުމަށް ވިދާޅުވެފައެވެ.
