ޒައެނިސްޓުން އިއްޔެ ޤަޠަރަށް ޙަމަލާ ދީ ޙަމާސްގެ މެންބަރުން ޝަހީދު ކޮށްލި ޙާދިސާ އާއި ގުޅިގެން، ބޮޑުވަޒީރު ޝެއިޚް މުޙައްމަދު ބިން ޢަބްދުއްރަޙްމާން އަލް ޘާނީ އިސްރާއީލަށް އިންޒާރު ދެއްވައިފިއެވެ.

އިސްރާއީލުގެ ޙަމަލާއަށް ރައްދު ދިނުމުގެ "ޙައްޤު ލިބިގެންވާ" ކަމަށް އިޢުލާން ކުރައްވައި ވިދާޅުވީ، އިސްރާއީލާއި ދެކޮޅަށް މުޅި މެދުއިރުމަތި ތެދުވުމަށް އިލްތިމާސް ކުރައްވާ ކަމަށެވެ.

ރޭ ދަންވަރު ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން ޤަޠަރުގެ ބޮޑުވަޒީރު ވަނީ އިސްރާއީލުން ގަސްތުގައި ޞުލްޙަ އަށް ހުރަސް އަޅަ ކަމަށެވެ.

އަލް ޘާނީގެ ވާހަކަފުޅާއި ގުޅިގެން އެމެރިކާގެ ރައީސް ޑޮނަލްޑް ޓްރަމްޕް ވަނީ މިހާރު އެކަމުގެ ތެރެއަށް ތަދައްޚުލްވެފައެވެ. ވައިޓް ހައުސްގެ ޕްރެސް ސެކްރެޓަރީ ކެރޮލީން ވިދާޅުވީ ރައީސް ޑޮނަލްޑް ޓްރަމްޕް އަމިއްލައަށް އަމީރަށް ގުޅުއްވާފައެވެ. އަދި، އެފަދަ ޙަމަލާއެއް ދެން ޤަޠަރަކަށް ނާރާނެ ކަމުގެ ޔަޤީންކަން ދެއްވިއެވެ.

ޓްރަމްޕް ވަނީ މަސްލަޙަތު ހިފެހެއްޓުމަށް އިލްތިމާސް ކުރައްވައި، އެ ސަރަޙައްދުގެ ނުތަނަވަސްކަން އިތުރަށް ގޯސް ނުކުރުމަށާއި، ނަތަންޔާހޫ ވެސް ބޭނުމީ ޞުލްޙަ ކަމުގައި ޤަޠަރުގެ އަމީރަުގެ އަރިހުގައި ވިދާޅުވެފައެވެ