އަނިޔާވެރި އިސްރާއީލުން ޤަތަރުގެ ވެރިރަށް ދޯހާއަށް ދިން ހަމަލާ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކުށްވެރިކުރައްވައިފިއެވެ. އެމަނިކުފާނުގެ ރަސްމީ އެކްސް އެކައުންޓުން ހިއްސާކުރި ޕޯސްޓެއްގައި އެ ހަމަލާ ކުއްވެރިކުރައްވަމުން ބުނެފައި ވަނީ މިއީ ގަތަރުގެ އިސްތިގުލާލާއި ސަރަހައްދީ މިނިވަންކަމަށް ހުރަސް އެޅި ހަމަލާއެއް ކަމަށެވެ.

ރައީސް ވިދާޅުވެފައިވަނީ މިފަދަ ފިނޑި އަމަލުތަކަކީ ބައިނަލްއަގުވާމީ ގާނޫނުތަކާ ވަރަށް ބޮޑަށް ހިލާފު އަމަލެއް ކަމަށާއި ރާއްޖެއިން ޤަތަރާއެކު އަބަދުވެސް ސާބިތުކަންމަތީ ދެމިތިބޭނެ ކަމަށެވެ. އަދި އިސްރާއީލުން ބައިނަލްއަޤްވާމީ މިންގަނޑުތަކާއި އުސޫލުތަކާ ހިލާފުވަމުންދާ ފަދަ އަމަލުތައް ހިންގަމުންދާތީ އެ ގައުމު ޖަވާބުދާރީ ކުރުމަށް މިހާރުން މިހާރަށް އަޅަންޖެހޭ ފިޔަވަޅުތައް އެޅުމަށް ބައިނަލްއަޤްވާމީ މުޖްތަމައުއަށް އެމަނިކުފާނު ވަނީ ގޮވާލައްވާފައެވެ.

ރިޕޯޓުތައް ބުނާގޮތުގައި އިސްރާއީލުން ދޯހާއަށް ދިން ހަމަލާ އަމާޒުކޮށްފައިވަނީ ހަމާސްގެ އިސް އޮފިޝަލުންތަކެއް ތިބޭ ގެއަކަށެވެ. ނަމަވެސް އެއްވެސް ބޭފުޅަކު ޝަހީދުވި ކަމެއް އަދި ނޭނގެއެވެ. އެ ތަނުގައި ތިބީ ޑރ.ޚަލީލް އަލްހައްޔާ، މުޙައްމަދު ދަރުވިޝް، މޫސާ އަބޫ މަރްޒޫޤު، ހުސާމް ބަދުރާން، ޚާލިދު މެޝާލް، އަދި ޒާހިރު ޖަބަރީން އެވެ. ދޯހާ އަށް ދިން މި ހަމަލާ ޤަތަރާއެކު ޖޯޑަން، އީރާން އަދި ޔުނައިޓެޑް އަރަބި އެމިރޭޓްސް އިން ވެސް ވަނީ ކުށްވެރިކުރައްވާފައެވެ.

ރައީސްގެ ޓުވީޓުގައި ދިވެހިރާއްޖެއިން ޤަތަރާއެކު ތިބިކަން ހާމަކޮށް، އިޒްރޭލުގެ އަނިޔާވެރި އަމަލުތަކަށް ފިޔަވަޅު އެޅުމަށް ބައިނަލްއަޣްވާމީ އިދާރާތަކަށް ގޮވާލައްވާފައިވެ އެވެ. އަދި ބައިނަލްއަޤްވާމީ އިންސާނީ ޙައްޤުތަކުގެ ޤާނޫނުތައް ނެގެހެއްޓުމަށް ބައިނަލްއަޤްވާމީ މުޖުތަމައުއަށް ގޮވާލައްވާފައިވެއެވެ. މީގެ އިތުރުން، ޤަތަރުގެ ސިޔާދަތާއި ސުލްޙަވެރިކަން ޙިމާޔަތްކުރުމަށް ދިވެހި ސަރުކާރުން އަބަދުވެސް މަސައްކަތްކުރާނެކަމުގެ ޔަޤީންކަން ދެއްވާފައިވެއެވެ.