ބައިނަލްއަގްވާމީ ރަހުމަތްތެރިކަމުގެ މެޗެއްގައި ފަލަސްތީން އަދި މެލޭޝިއާ ބައްދަލުކުރި މެޗު މެލޭޝިއާ އިން ކާމިޔާބުކޮށްފި އެވެ. މެޗުގައި ފެނުނު ފުރަތަމަ ގޯލު ފުރަތަމަ ހާފުގެ ތިން ވަނަ މިނެޓުގައި ކާމިޔާބުކުރީ ޖާއޯ ފިގުއެރެއިޑޯ އެވެ.
ހޯމަ ދުވަހުގެ ރޭ މެލޭޝިއާގައި ކުޅުނު މި މެޗުގައި އެ ގައުމުން ހޯދި މި ކާމިޔާބީއަކީ ފަލަސްތީނާ ވާދަކޮށް ފާއިތުވި 24 އަހަރު ދުވަހުގެ ތެރޭގައި އެ ގައުމަށް ލިބުނު ހަމައެކަނި މޮޅެވެ. މެލޭޝިއާ އަށް ފަލަސްތީނުގެ މައްޗަށް އެންމެ ފަހުން ކުރި ހޯދިފައިވަނީ 2001 ވަނަ އަހަރު ގައެވެ. އެ މެޗު މެލޭޝިއާ އިން ކާމިޔާބުކޮށްފައިވަނީ 3-4 ގެ ނާތީޖާއަކުންނެވެ.
އަދި މިއީ ދުނިޔޭގެ ރޭންކުގެ އެންމެ އުހުގައި ހިމެނޭ 100 ގައުމުގެ ތެރެއިން ގައުމެއް މެލޭޝިއާ އަށް ބަލިކުރެވުނު ފުރަތަމަ ފަހަރުވެސް މެއެވެ.
މުޅި މެޗު ކޮންޓްރޯކޮށް ގިނަ ވަގުތު ބޯޅަ ހިފަހައްޓައިގެން ކުޅެފައިވަނީ މެލޭޝިއާ އެވެ. ފުރަތަމަ ހާފުގެ 32 ވަނަ މިނެޓުގައި ފަލަސްތީނުގެ ބަދްރު މޫސާ އަށް ވަނީ ގޯލަށް ބޯޅަ ފޮނުވާލާނެ ރަނގަޅު ފުރުސަތެއް ލިބި ބޭކާރުވެފަ އެވެ.
ދާދި ފަހުން ދިވެހި ސަރުކާރުން ވަނީ ފަލަސްތީނުގެ އެދިލެއްވުމަކަށް އެ ގައުމުގެ 17 އަހަރުން ދަށުގެ ފުޓްބޯޅަ ޓީމުގެ ތަމްރީނުތައް ރާއްޖޭގައި ބޭއްވޭނެ އިންތިޒާމު ހަމަޖައްސައިދޭން ނިންމާފަ އެވެ. އޭޝިއަން ކަޕުގައި ވާދަކުރާ އެ ގައުމުގެ 17 އަހަރުން ދަށުގެ ޓީމަށް މި ފުރުސަތު ދީފައިވަނީ އެކަމުގައި މަޝްވަރާކުރަންޖެހޭ ހުރިހާ އިދާރާތަކާ މަޝްވަރާކުރުމަށްފަހުގަ އެވެ.
