ވ. އަތޮޅުގެ ދެ ރަށެއްގައި ކުނި މެނޭޖްކުރާ މަރުކަޒު ގާއިމުކުރުމުގެ މަސައްކަތް ހަވާލުކޮށްފި އެވެ.
މި މަސައްކަތް ހަވާލުކޮށްފައިވަނީ ވީ އަވާ އިންވެސްޓްމަންޓްސް ޕްރައިވެޓް ލިމިޓެޑާ އެވެ.
މި އެއްބަސްވުމުގައި އެންވައިރަންމެންޓް މިނިސްޓްރީގެ ފަރާތުން ސޮއިކުރެއްވީ ޑެޕިއުޓީ މިނިސްޓަރ އަހްމަދު ނިޒާމެވެ. ވީ އަވަރ އިންވެސްޓްމަންޓްސްގެ ފަރާތުން ސޮއިކުރެއްވީ އެ ކުންފުނީގެ އިސްވެރިންނެވެ.
Advertisement
އެންވަޔަރަންމެންޓް މިނިސްޓްރީއިން ބުނީ، މި މަޝްރޫއުގެ ދަށުން ތިނަދޫ އާއި ފެލިދޫގައި ކުނި މެނޭޖްކުރާ މަރުކަޒު ގާއިމުކުރުމުގެ މަސައްކަތަށް ޖުމްލަ ތިން މިލިއަނަށްވުރެ ގިނަ ރުފިޔާ ހަރަދުވާނެ ކަމަށެވެ.
މި މަޝްރޫއުގެ މަސައްކަތް 120 ދުވަހުގެ ތެރޭގައި ނިންމުމަށްވަނީ ހަމަޖެހިފަ އެެވެ.
މި މަޝްރޫއު ފެށުމުގެ ކުރިން، އެންވަޔަރަންމެންޓް މިނިސްޓްރީން ވަނީ މި ދެ ރަށުގެ ކައުންސިލްތަކާ ބައެއް މުހިންމު ސާމާނު ހަވާލުކޮށްފަ އެވެ. މީގެ ތެރޭގައި ރަށުތެރޭ ކުނި އުފުލުމަށް ބޭނުންކުރާ ވެހިކަލްގެ އިތުރުން، ދަޅު ފިއްތާ މެޝިނާއި ވުޑް ޗިޕާ ހިމެނެ އެވެ.
މި މަޝްރޫއަކީ ރާއްޖޭގެ ރަށްރަށުގައި ކުނި މެނޭޖްކުރުމުގެ ނިޒާމް ހަރުދަނާކުރުމަށް ސަރުކާރުން ކުރަމުންދާ މަސައްކަތްތަކުގެ ތެރެއިން ހިންގާ މަޝްރޫއުއެކެވެ.
