މެލޭޝިއާއިން ދިވެހި ފިރިހެނަކު ހައްޔަރުކޮށްފި އެވެ.
މިކަމާއި ގުޅިގެން ފުލުހުން މިއަދު މީޑިއާ ތަކަށް ފޮނުވި މެސެޖެއްގައި ބުނެފައިވަނީ މެލޭޝިއާއިން ހައްޔަރުކޮށްފައިވަނީ އަބްދުއްބާތިން މުހައްމަދު މުސްތަފާ ނަމަކަށް ކިޔާ ދިވެއްސެއް ކަމަށެވެ.
ފުލުހުން ބުނެފައިވާ ގޮތުގައި އޭނާ ހައްޔަރުކޮށްފައިވަނީ މެލޭޝިއާ ފުލުހުން ތަހުގީގުކުރަމުން އަންނަ މައްސަލައަކާ ގުޅިގެންނެވެ.
އިތުރު އެއްވެސް މައުލޫމާތެއް ފުލުހުން ދީފައެއް ނުވެ އެވެ.
އަބްދުލްބާތިންގެ މައްޗަށް ތުހުމަތުކުރެވޭ ގެވެށި އަނިޔާގެ މައްސަލައެއް ދިވެހި ފުލުހުންވެސް ތަހުގީގުކުރަމުން އަންނަ ކަމަށް ފުލުހުން ބުންޏެވެ.
