ކާބޯތަކެތި ލިބޭނެ ހުރިހާ ދޮރެއް ބަންދު ކޮށްފައިވާ ޣައްޒާ އިން ފާއިތުވީ ތިންދުވަހު ބަނޑަށްޖެހިފައިވާ 80 ކުޑަކުދިން ޝަހީދު ވެއްޖެ ކަމަށް މަސްދަރުތަކުން ބުނެފިއެވެ.
ޝަހީދުވި ބަނޑަށްޖެހިފައިވާ ކުޑަކުދިންގެ ތެރޭގައި ކާނާ ނުލިބުމުހެ ސަބަބުންނާއި ބޮމުގެ އަލިފާނުގައި ހުޅު ރޯވެގެން އަނދައިގެން ގޮސް ޝަހީދުވި 21 ކުދިން ވެސް ހިމެނޭ ކަމަށް އެ ސަރަހައްދުގެ އެންމެ ބޮޑު ހޮސްޕިޓަލް އަލްޝިފާ މެޑިކަލް ކޮމްޕްލެކްސް އިން ބުނެއެވެ.
.ރިޕޯޓްތައް ބުނާ ގޮތުގައި ބަނޑުހައިހޫނުކަމުގެ ސަބަބުން މިއަދު ވެސް ހަތަރުކުދިންގެ ފުރާނަ ގެއްލިފައިވެއެވެ.
ޣައްޒާގައިވާ ޢަރަބި ނަސްލު އެކީއެކަށް ފޮހެލުމުގެ މަޤްޞަދުގައި ކުރިޔަށްދާ ޤަތުލުޢާންމުގައި މިހާތަނަށް އަލް ޖަޒީރާއަށް ލިބިފައިވާ މަޢުލޫމާތުތަކަށް ބަލާއިރު 18885 ކުޑަކުދިން ޝަހީދުކޮށްލާފައިވާ ކަމަށް އެ މީހުންގެ ވެބްސައިޓުގައި ވެއެވެ. ނަމަވެސް މިއީ އަދި ސީދާ ޖުމްލަ އަދަދެއް ނޫނެވެ.
ޑަބްލިއުއެޗްއޯ އިން ބުނީ ވަގުތުން ކާނާ ނުލިބިއްޖެނަމަ ކުރިޔަށް އޮތް ހަފްތާ ތަކުގައި 43,400 ކުޑަކުދިންގެ ފުރާނައަށް ނުރައްކާ ވެދާނެ ކަމުގެ ބިރު އެބައޮތް ކަމަށެވެ.
