ގުޅީފަޅުން 1،200 އަށް ވުރެ ގިނަ ގޯތީގެ ރަޖިސްޓްރީ ދޫކޮށްފި

މުޙައްމަދު ޖިނާން ހުސައިން ޖަބީން | 1 ދުވަސް ކުރިން - 28 އޯގަސްޓް 2025 22:28
ކ. ގުޅީފަޅު: ފޮޓޯ/ އިންޓަނެޓް---
ކ. ގުޅީފަޅު: ފޮޓޯ/ އިންޓަނެޓް---
ޚުލާސާ

ގުޅީފަޅުން ޖުމުލަ 3،557 ގޯތި ދޫކުރަން ވަނީ ހަމަޖެހިފައި.

ބިންވެރިޔާ ސްކީމްގެ ދަށުން ގުޅީފަޅުން ދޫކުރަން ހަމަޖެހިފައިވާ ގޯތިތަކުގެ ތެރެއިން 1،200 އަށް ވުރެ ގިނަ ގޯތީގެ ރަޖިސްޓްރީ މިހާތަނަށް ދޫކުރެވިފައިވާކަމަށް ހައުސިން މިނިސްޓްރީން ބުނެފި އެވެ.

ގުޅީފަޅުގެ ލޭންޑް ޔޫސް ޕްލޭނަށް ގެނައި ބަދަލުތަކާއި ގުޅިގެން ގުރުއަތު ނެގުމަށްފަހު، ގޯތި ލިބިފައިވާ ފަރާތްތަކަށް ރަޖިސްޓްރީ ދޫކުރުމުގެ މަސައްކަތް ކުރިއަށް ގެންދަނީ ހައުސިން މިނިސްޓްރީ ކުރިން ހިންގި އިމާރާތް ހުންނަ ބިމުގަ އެވެ. ގުޅީފަޅުގެ ލޭންޑް ޔޫސް ޕްލޭނަށް މި ސަރުކާރުން ބަދަލުގެންނަން ނިންމީ އެތަނުން އިތުރަށް 85 ހެކްޓަރުގެ ބިން ހިއްކުމަށް ނިންމުމާ ގުޅިގެންނެވެ.

ގުޅީފަޅުން ޖުމުލަ 3،557 ގޯތި ދޫކުރަން ވަނީ ހަމަޖެހިފަ އެވެ. އެގޮތުން ދޫކުރަން ހަމަޖެހިފައިވަނީ:

  1. 1،250 އަކަފޫޓުގެ 684 ގޯތި
  2. 1،650 އަކަފޫޓުގެ 1،242 ގޯތި
  3. 2،050 އަކަފޫޓުގެ 923 ގޯތި
  4. 2،450 އަކަފޫޓުގެ 479 ގޯތި
  5. 2،850 އަކަފޫޓުގެ 158 ގޯތި
  6. 3،250 އަކަފޫޓުގެ 49 ގޯތި
  7. 3،650 އަކަފޫޓުގެ 22 ގޯތި

އަލަށް ހަދާ ރަޖިސްޓަރީއަށް އެދި ހުށަހެޅުމަށް ހައުސިން މިނިސްޓްރީން ހުޅުވާލާފައިވަނީ ނިމިދިޔަ ޖުލައި މަހުގެ ފުރަތަމަ ދުވަހު އެވެ. ބިންވެރިޔާ ސްކީމްގެ ދަށުން ހުޅުމާލެ، ގުޅީފަޅު އަދި ގިރާވަރު ފަޅުން ޖުމްލަ 9،031 ގޯތި މާލޭ މީހުންނަށް ދޭން ވަނީ ނިންމައިފަ އެވެ.

TelegramTwitterYoutubeTiktokViberFacebookInstagram

0 ރިއެކްޝަންސް / 0 ކޮމެންޓް

0%
0%
0%
0%
0%