އިސްރާއީލުގެ ޑިފެންސް މިނިސްޓަރު އިސްރާއީލް ކަޓްޒް އާއި ސިފައިންގެ ވެރިޔާ އީޔަލް ޒާމިރާއި ދެމެދު މައްސަލަ ގޯސްވެ އެތެރޭގެ "ޑިފެންސް ބަޣާވާތެއް" ކުރަން އުޅޭ ކަމުގެ ޝައްކުތައް އިތުރުވެެއްޖެއެވެ.
ކަޓްޒް ތުހުމަތު ކުރާ ގޮތުގައި ޒާމިރު ގެންދަނީ ސިފައިންގެ އިސް މަގާމުތަކުގައި ތިބި މީހުންގެ ޑިޕާޓްމަންޓްތައް ބަދަލު ކުރަމުން ކަމަށާއި އޭނާ އެކަން ކުރަނީ ރަސްމީ ޗޭން އޮފް ކޮމާންޑް ބައިޕާސް ކޮށްގެން ކަމަށް ޚަބަރުތައް ބުނެއެވެ. މިކަން އޭނާ ކުރަނީ އިސްރާއީލު ސިފައިންގެ ތެރޭގައި އޭނާގެ ކޮންޓްރޯލް ވަރުގަދަ ކުރުމަށް ކަމަށް ވެސް ޚަބަރުތައް ބުނެއެވެ.
ކަޓްޒް އަށް ރައްދު ދެއްވައި އައިޑީއެފުން ނެރުނީ ސްޓޭޓްމަންޓެއް ގައި ވަނީ ކާނަލްގެ ރޭންކާއި އެއަށްވުރެ މަތީގެ ރޭންކުތަކަށް އެޕޮއިންޓްމަންޓް އަމުރު ނެރުމުގެ ހަމައެކަނި ބާރު އޮންނަނީ ޒާމިރު އަށް ކަމަށެވެ. ނަމަވެސް، ޑިފެންސް މިނިސްޓަރު ކަޓްޒް އަށް އެ މީހުންނަށް ރުހުން ދިނުމާއި ނުދިނުމުގެ ޙައްޤު ލިބިގެންވާ ކަމަށެވެ.
މި މައްސަލަ އުފެދެނީ ޣައްޒާގެ ހަނގުރާމަ ވަރުގަދަކޮށް ގިނަ ޢަދަދެއްގެ މުސްލިމުން "ނައްތާލައި" އިސްރާއީލުގެ ހައްދުފަހަނަ އެޅި ސަރުކާރުގެ ދަށަށް ޣައްޒާ ގެނައުމަށް މުޖުރިމު ނަތަންޔާހޫ އެންގުމާއި ގުޅިގެން އިސްރާއީލުގެ ވެރިންގެ މެދުގައި ދެބަސްވެފައިވާ ދަނޑިވަޅެއްގައެވެ.
ރިޕޯޓްތައް ބުނާ ގޮތުގައި ޒާމިރު ގެންދަނީ ނަތަންޔާހޫގެ އެންގުމާއި ޚިލާފަށް، ޣައްޒާ ހިފުމުގެ ޕްލޭންތަކާއި ދެކޮޅު ހަދައި، ޣައްޒާ ގައި ދެމުންދާ ޙަމަލާތައް ލިމިޓް ކުރަމުންނެވެ.
ބަޣާވާތެއްގެ ރަސްމީ ތަޙްޤީއެއް އިޢުލާންކޮށްފައި ނުވި ނަމަވެސް، މި ދޭތެރެއަކުން ނަތަންޔާހޫގެ ދަރިފުޅު ޔައިރު ކުރި ތުހުމަތުތަކާއި ގުޅިގެން އެތެރޭގެ ތަޙްޤީޤެއް ފަށާފައިވާކަން ފާހަގަކުރެވެއެވެ.
