އދ. އަތޮޅުގައި ހިންގާ ކުޑަރަށް ރިސޯޓުގެ ވޯޓަ ވިލާއެއްގައި އަލިފާން ރޯވެއްޖެ އެވެ.
އެމްއެންޑީއެފުން ސޯޝަލް މީޑިއާގައި ކުރި ޕޯސްޓެއްގައި ބުނީ އަލިފާނުގެ ހާދިސާއެއް ހިނގައިގެން ހެނދުނު 10:50 ހާއިރު ރިޕޯޓުކޮށްފައިވާ ކަމަށެވެ. އަލިފާން ނިއްވާ ޓީމު އެ ރިސޯޓަށް ދާން 11:05 ގައި މާލެއިން ފުރާފައިވާ ކަމަށާއި އަލިފާން ނިއްވުމުގެ މަސައްކަތް ރިސޯޓުގެ ފަޔަ ޓީމުން ކުރަމުން އަންނަ ކަމަށް އެމްއެންޑީއެފުން ބުންޏެވެ.
ސޯޝަލް މީޑިއާގައި މި ހާދިސާގެ ފޮޓޯ އާއި ވީޑިއޯ މިހާރު ދަނީ ދައުރު ވަމުންނެވެ.
ބެލެވޭ ގޮތުން ވޯޓާ ވިލާގައި ރޯވެ، ބައެއް ކޮޓަރި ތަކަށް ގެއްލުން ވެފައިވެ އެވެ.
