ފަލަސްޠީނުގެ ތާރީޚުގައި ވެސް އެ ޤައުމުގައި މިހާތަނަށް އުފެދުނު އެންމެ މޮޅު ފުޓްބޯޅަ ކުޅުންތެރިޔާ ސުލައިމާން އުބައިދު، 41 (މަޝްހޫރު ނަމުން ނަމަ ފަލަސްޠީނު ޕެލޭ) އިސްރާއީލުގެ ޒައެނިސްޓުން ޝަހީދު ކޮށްލައިފި ކަމަށް ޣައްޒާގެ ހެލްތު މިނިސްޓްރީން ދެންމެ ބުނެފިއެވެ.

^{ފަލަސްޠީނުގެ ކުރީގެ ޤައުމީ ޓީމުގެ ކެޕްޓަން ސުލައިމާން އުބައިދު ނުވަތަ ފަލަސްޠީނު ޕެލޭ.}

ކުރީގެ ފުޓްބޯޅަ ކުޅުންތެރިޔާ "ފަލަސްތީނުގެ ޕެލޭ" ޝަހީދު ކޮށްލީ ކާއެއްޗެއް ހޯދަން ގޮސް އުޅެނިކޮށް އިސްރާއީލުން ޓާގެޓް ކޮށްފައި ދިން ޙަމަލާގައި ކަމަށް މެޑިކަލް މަސްދަރުތަކުން ބުނެއެވެ.


ފަލަސްޠީނުގެ ޤައުމީ ޓީމުގެ ކުރީގެ ކެޕްޓަން ސުލައިމާން އުބައިދު މިއަދު ޝަހީދުކޮށްލިއިރު، މީގެ 22 މަހަށް ވުރެ ގިނަ ދުވަސް ކުރިން ޣައްޒާ އާއި ދެކޮޅަށް ހަނގުރާމަ ފެށި ފަހުން ފަލަސްޠީނުގެ އެތައް ސަތޭކަ އެތުލީޓުން ވަނީ ޝަހީދު ކޮށްލާފައެވެ.