އިސްރާއީލުގެ އެޓާނީ ޖެނެރަލް ގާލީ ބަހާރަވް-މިއާރާ މަޤާމުން ދުރުކުރުމަށް ބޮޑުވަޒީރު ނަތަންޔާހޫ ނިންމަވައިފިއެވެ.
ޣައްޒާގައި ހިންގާ ޤަތުލުޢާންމާއި ގުޅިފައިވާ ކަންތަކުގައި ގާލީ ބަހާރަވްގެ ޚިޔާލު ތަފާތެވެ. ނަމަވެސް އިސްރާއީލު ދިފާޢު ކުރުމަށް ބައިނަލްއަޤްވާމީ ޖިނާޢީ ކޯޓަށް ސައުތު އެފްރިކާއިން ހުށަހަޅާފައިވާ ނަސްލު ނައްތާލުމުގެ ދަޢުވާ އާއި ގުޅިގެން އޭނާގެ އޮފީހުން ގިނަ މަސައްކަތްތަކެއް ކޮށްފައި ވާކަން ފާހަގަ ކުރެވެއެވެ.
ގާލީ ބަހާރަވް އަކީ ޤާނޫނާއި ޚިލާފަށް މީހުން މެރުމަށް ތަރުޙީބުދޭ މީހެއް ނޫނެވެ. އިސްރާއީލުން ޣައްޒާ ޙިޞާރުކޮށް ކުޑަކުދިންނާއި އަންހެނުން ކުށަކާއި ނުލައި މެރުން ފަދަ ކަންތަކުގައި އޭނާ އާއި ނަތަންޔާހޫ އާއި ދެމެދު ޚިޔާލު ތަފާތެވެ.
އެކަމަނާ މަޤާމުން ދުރުކުރުމަށް ބޮޑުވަޒީރު ވަނީ ކުއްލި ކެބިނެޓްގެ ބައްދަލުވުމެއް ބާއްވައި އެކަން ފާސް ކޮށްފައެވެ. އެއަށްފަހު، މާގިނަ އިރުތަކެއް ނުވަނީސް، ރޭގެ ވަގުތެއްގައި ނަތަންޔާހޫގެ އެހީތެރިޔަކު ވަނީ ޣައްޒާ ހިފުމަށް ނަތަންޔާހޫ މިހާރު ސިފައިންނަށް އަންގަވާފައި ކަމަށް ވިދާޅުވެފައެވެ.
ބެލެވޭ ގޮތުގައި ޣައްޒާ ހިފުމަށް ސިފައިން ފޮނުވާނީ ގާލީ ބަހާރަވް މަޤާމުން ދުރު ކޮށްފައެވެ. އެކަމަނާ އަކީ ނަތަންޔާހޫގެ ލިކޫޑް ޕާޓީގެ ޚިޔާލާއި ހާސްބައި ތަފާތު އަމިއްލަ މިނިވަން މެންބަރެކެވެ.
ނަތަންޔާހޫގެ ގާތް އެކުވެރިއެއް ކަމަށްވާ ޖަސްޓިސް މިނިސްޓަރު ޔާރިވް ލެވިން ވިދާޅުވީ ގާލީ ބަހާރަވް ވަކިކުރަން ނިންމީ ސަރުކާރުގެ ޤާނޫނީ އެޖެންޑާ އާއި އިޞްލާޙްތަކަށް ހުރަސް އަޅާފައިވާތީއެވެ. އޭނާ ފާހަގަކުރައްވާ ގޮތުގައި އެ ބުނާ ހުރަސް އެޅުމަކީ ޣައްޒާއަށް އަރައިގަތުމާއި، ޣައްޒާ ހިފަން އުޅުމާއި އަދި ޣައްޒާގެ މުސްލިމުން ކުށަކާއި ނުލައި މެރުމެވެ.
ބެލެވޭ ގޮތުގައި ދެން އެ މަޤާމަށް ގެންނާނީ ކުރީގެ ޕީޖީއެއް ކަމަށްވާ މޯޝޭ ސައިޑެލް އެވެ. އޭނާ އަކީ ހައްދުފަހަނައަޅާފައިވާ ނުބައި މީހެކެވެ.
ގާލީ ބަހާރަވް މަޤާމުން ވަކިކުރަން ކެބިނެޓުން ނިންމުމުން އޭނާ ވަނީ ސުޕްރީމް ކޯޓަށް އެ މައްސަލަ ހުށަހަޅާފައެވެ.
