ފަލަސްޠީނަކީ ދައުލަތެއްގެ ގޮތުގައި ބައިނަލްއަޤްވާމީ ގޮތުން ބެލި ކަމުގައި ވިޔަސް އެއްވެސް ވަރަކަށް ކަންބޮޑު ނުވާ ކަމަށާއި، ޣައްޒާގެ ހުރިހާ ރައްޔިތުން ކަނޑަށް އަޅައި ޣަރަޤުކޮށްލައިގެން ވެސް އެ ބިން އިސްރާީލުގެ މިލްކަކަށް ހަދާނެ ކަމަށް ހައްދުފަހަނަ އަޅާފައިވާ އިސްރާއީލުގެ ހެރިޓޭޖް މިނިސްޓަރު އަމިޝައި އެލިޔާހޫ ބުނެފިއެވެ.
ކަނާތުފިޔައިގެ ހަރުކަށި ޕާޓީއެއް ކަމަށްވާ އޮޓްޒްމާ ޔަހޫދިތު ޕާޓީގެ މެންބަރެއް ކަމަށްވާ އެލިޔާހޫ މީގެ ކުރިން ވެސް ވަނީ މިފަދަ ވާހަކަތައް ދައްކާފައެވެ.
އިސްރާއީލުން ޣައްޒާއަށް މިހާރު ކުރިމަތިކޮށްފައި ވަނީ އިންސާނީ ކާރިސާ އަކާއެވެ. ނަސްލު ނައްތާލުމުގެ ޖަރީމާ ފެށި ފަހުން މުސްލިމުންގެ 60،000 އަށް ވުރެ ގިނަ މީހުން ޝަހީދުކޮށް 146،000 މީހުން ޒަޚަމްވެފައިވާ ކަމަށް ހުޅަނގުން ބުނާއިރު ޙަމާސް އިން ބުނަނީ 1 ލައްކަ އަށް ވުރެ ގިނަ މީހުން ޝަހީދުކޮށްލާފައިވާ ކަމަށެވެ.
Advertisement
ޣައްޒާ މުޅިން ބަނޑަށް ޖައްސާފައިވާއިރު ކާނާ ނުލިބުމުގެ ސަބަބުން މަރުވި މީހުންގެ އަދަދުވެސް 154 އަށް ވަނީ އަރާފައެވެ.
