ލަންކާގެ ރައީސް ރާއްޖެ ވަޑައިގެންފިއެވެ. މި ދަތުރަށް މަރުހަބާ ކީ އެއާޕޯޓުގެ އާ ޓާމިނަލްއިންނެވެ.

ލަންކާގެ ރައީސް އަނަރު ކުމާރަ ދިސާނަޔަކަ މިއަދު ހެނދުނު ރާއްޖެ ވަޑައިގަތީ ދިވެހި ރާއްޖޭގެ ރައީސުލްޖުމްހޫރިއްޔާ ގެ ދައުވަތުފުޅަކަށެވެ.

ލަންކާގެ ރައީސް މި ދަތުރުފުޅު ކުރައްވަނީ މި މަހުގެ 28 އިން 30 ގެ ނިޔަލަށެވެ. އަދި މިއީ އެ މަނިކުފާނު ރައީސް ކަމުގެ މަގާމުގައި ހުރެ ރާއްޖެއަށް ކުރައްވާ ފުރަތަމަ ދަތުރުފުޅެވެ.

މި ދަތުރުފުޅުގައި ދެ ގައުމު ގެ އެކި އެކި މަޝްވަރާތަށް ކުރިއަށް ގެންދިއުމަށް ވަނީ ހަމަޖެހިފައެވެ. މީގެ އިތުރުން ދެ ގައުމުގެ މުހިއްމު ދާއިރާތަކުން އެއްބަސްވުންތަކެއް ވެސް ކަނޑައެޅުމަށް ވަނީ ހަމަޖެހިފައެވެ.

ރާއްޖެއާއި ލަންކާއަކީ ގިނަ ޒަމާނެއްގެ ރަހުމަތްތެރިކަން ދަމަހައްޓަމުންދާ ދެ ގައުމެވެ.