ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެމެރިކާގެ ދަތުރުފުޅުގައި ނިއުޔޯކުގައި ހުންނަ ގޫގުލް އޮފީހަށް ޒިޔާރަތްކުރައްވައި، ޓެކްނޮލޮޖީގެ ދާއިރާއިން ގުޅިގެން މަސައްކަތްކުރުމަށް މަޝްވަރާކުރައްވައިފި. މި ބައްދަލުވުމުގައި އާޓިފިޝަލް އިންޓެލިޖެންސް، ޑިޖިޓަލް ލިޓަރަސީ އަދި މޫސުމަށް އަންނަ ބަދަލުތަކާ ގުޅޭ ޑޭޓާ ބޭނުންކުރުންފަދަ ދާއިރާތަކުގައި އެއްބާރުލުން ދިނުމާމެދު މަޝްވަރާކުރެވުނު.
711 ދުވަސް ކުރިން - 09:59
މި ބައްދަލުވުމުގައި މޫސުމީ މައްސަލަ ތަކުގެ އިތުރުން، ދެ ގައުމުގެ ދެމެދުގައި އައު އެއްބާރުލުމުގެ ދާއިރާތައް ހޯދުމަށް މަޝްވަރާކުރެވުނު. ރައީސުލްޖުމްހޫރިއްޔާ ވަނީ ނިއުޒިލެންޑްގެ އިންވެސްޓަރުންނަރުންނަށް ރާއްޖޭގެ ޚާއްޞަ އިޤްތިޞާދީ ސަރަޙައްދުގައި އިންވެސްޓުކުރުމުގެ ދަޢުވަތު ދެއްވާފަ.
711 ދުވަސް ކުރިން - 09:56
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މި މަޝްވަރާ ބައްދަލުވުން ބޭއްވީ ނިއު ޔޯކުގައި. މި ބައްދަލުވުމުގައި ދިވެހިރާއްޖޭގެ އިޤްތިޞާދީ ތަރައްޤީ، އިންވެސްޓްމަންޓް އަދި ޞިއްޙީ ދާއިރާގެ ކުރިއެރުމަށް އެހީތެރިކަން ހޯދުމާއި، ދެ ޤައުމުގެ ދެމެދުގައިވާ ގުޅުން އިތުރަށް ބަދަހިކުރުމާ ބެހޭގޮތުން ވެސް މަޝްވަރާކުރެވުނު
711 ދުވަސް ކުރިން - 09:35
ސެކިއުރިޓީ ކައުންސިލްގެ ރާއްޖޭގެ ފުރަތަމަ ޚިޠާބުގައި ރައީސުލް ޖުމްހޫރިއްޔާ ޑރ.މުޙައްމަދު މުޢިއްޒު ވަނީ އެމެރިކާ، ޗައިނާ، ފްރާންސް އަދި ރަޝިއާ އާއި އިނގިރޭސީވިލާތަށް ލިބިފައިވާ ބާރުތައް އުވާލުމަށް ގޮވާލައްވާފަ. އެމަނިކުފާނު ސާބިތުކަމާއެކު ދެއްކެވީ އިންސާނިއްޔަތުކަން. ސާބިތުކަމާއެކު ކެރިވަޑައިގެން ދެއްކެވީ އިންސާފު. އިއްވައިދެއްވީ އަނިޔާ ލިބެމުންދާ ކުށެއް ނެތް ހުރިހާ އެންމެންގެ އިހުސާސް.
713 ދުވަސް ކުރިން - 09:28
އދ. ގެ އާންމު މަޖިލީހުގައި އެމަނިކުފާނު ވިދާޅުވީ ދިވެހީންގެ ރަށްތައް ދިވެހީން ހިމާޔަތް ކުރާނެ ކަމަށާއި އެއްވެސް ދިވެއްސެއް އަމިއްލަ ރަށް ދޫކޮށްފައި އެހެން ރަށަކަށް ބަދަލުވާން ނޭދޭކަމަށް. ކަނޑުގެ ލޮނުގަނޑު އުފުމުގެ ސަބަބުން ކުރިމަތިމާ ނޭދެވޭ އަސަރުތަކާއި ގުޅޭ ގޮތުން އެމަނިކުފާނު ވަނީ 3 ކަމެއް ފާހަގަކުރައްވާފަ.
713 ދުވަސް ކުރިން - 03:20