ބޮޑުތަކުރުފާނު މަގުގައި ނުރައްކާތެރި އެކްސިޑެންޓެއް ހިނގައި، ތިން ފަރާތަކަށް ޖިސްމާނީ ގޮތުން ބޮޑެތި އަނިޔާތަކެއް ލިބިއްޖެއެވެ.
ފުލުހުން މައުލޫމާތު ދިން ގޮތުގައި، މި އެކްސިޑެންޓު ހިނގާފައިވަނީ ބާރު ސްޕީޑްގައި ދުއްވާފައި ދިޔަ ސައިކަލެއް، ކަފިހިހުރަހުން މަގު ހުރަސްކުރި މީހެއްގެ ގައިގައި ޖެހި، އެތަނުން ދަތުރުކުރަމުން ދިޔަ ޕިކަޕެއްގައި ޖެހިގެންނެވެ.
މި ހާދިސާގައި އަނިޔާވެފައިވަނީ ތިން ފިރިހެނުންނަށެވެ. އޭގެ ތެރެއިން އެއް ފަރާތުގެ ސިކުނޑިއަށް ވަރަށް ބޮޑެތި ގެއްލުންތަކެއް ލިބިފައިވެއެވެ. މީގެ އިތުރުން، އެކްސިޑެންޓުގައި އަނިޔާވި އެހެން ފަރާތްތަކަށްވެސް އެކި ވަރުުރުގެ އަނިޔާތައް ވެފައިވާކަމަށް ލަފާކުރެވެއެވެ.
މި އެކްސިޑެންޓުގައި އަނިޔާވި 17 އަހަރުގެ ފިރިހެން ކުއްޖަކު ވަނީ މަރުވެފަ އެވެ. މަރުވި ކުއްޖާ އަކީ މަގު ހުރަސްކުރަން އުޅުނު ދެ މީހުންގެ ތެރެއިން އެކެކެވެ. އެ ކުއްޖާއާ އެކީގައި އިތުރު ދެ މީހަކަށް ވެސް ސީރިއަސް އަނިޔާވެފައިވެއެވެ. އެމީހުންނަށް މިހާރު ފަރުވާ ދެމުން އަންނަނީ މާލޭގެ އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) ގައެވެ.
