ރާއްޖޭގެ އިސްލާމީ ލައިބްރަރީ މިރޭ ހުޅުވުމަށް ހަމަޖެހިފައިވާ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
މި ލައިބްރަރީ ހުޅުވަނީ ސަލްމާން މިސްކިތުގެ ތިންވަނަ ފަންގިފިލާގައި ކަމަށް ވަޒީރު ވިދާޅުވިއެވެ.
ވަޒީރު މީގެ ކުރިން ވިދާޅުވެފައިވަނީ އިސްލާމީ މަރުކަޒުގައި ކުރިން ހުރި އިސްލާމީ ހުތުބުހާނާއަކީ ރާއްޖޭގައި ހުރި އެންމެ ބޮޑު އިސްލާމީ ލައިބްރަރީ ނަމަވެސް ލައިބްރަރީ ހުރީ ނެތިވެ ގޮސްފައި ކަމަށެވެ. އަދި ލައިބްރަރީ ނެތި 10 ވަރަކަށް އަހަރު ފާއިތުވެގެން ގޮސްފައިވާކަން ވަޒީރު ފާހަގަކުރައްވާފައިވެއެވެ.
Advertisement
ރަށްރަށުގައި އިސްލާމީ މަރުކަޒުތައް ގާއިމުކޮށްފައި ހުރިނަމަވެސް އޭގެ ބޭނުން އެންމެ ފުރިހަމަ ގޮތުގައި މިހާތަނަށް ނުހިފޭ ކަން ފާހަގަކުރައްވާ ވަޒީރު ވިދާޅުވީ، މިއަހަރު ހުރިހައި އިސްލާމިކް ސެންޓަރެއްގައި ލައިބްރަރީ ހުޅުވިގެންދާނެ ކަމަށެވެ.
