ހއ. ހޯރަފުށީގައި އައިޑީކާޑު ޕްރިންޓްކުރުމުގެ ހިދުމަތް މިއަދު ފަށައިފި އެވެ.
ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން (ޑީއެންއާރު) އިން ބުނީ އައިޑީކާޑު ޕްރިންޓްކުރުމުގެ ހިދުމަތް ހޯރަފުށީ ކައުންސިލްގެ އިދާރާގައި މިއަދު ފަށާފައިވާ ކަމަށެވެ.
އައިޑީކާޑު ޕްރިންޓްކުރުމުގެ ހިދުމަތް ހޯރަފުށީގައި ފެށުމާއެކު އެ ހިދުމަތް ލިބޭ ރަށްރަށުގެ އަދަދު މިހާރު 23 އަށް އަރާފައިވާ ކަމަށް ޑީއެންއާރު އިން ބުންޏެވެ.
Advertisement
ސަރުކާރުގެ އަމާޒަކީ މި އަހަރު ނިމުމުގެ ކުރިން ރާއްޖޭގެ ހުރިހާ އަތޮޅެއްގައި އައިޑީކާޑު ޕްރިންޓްކުރުމުގެ ހިދުމަތް ފެށުމެވެ.
މާލެ ނައިސް ރަށްރަށުން އައިޑީކާޑާއި ޕާސްޕޯޓްގެ ހިދުމަތް ދިނުމަކީ ރައީސް ޑރ. މުހައްމަދު މުއިއްޒު މުހިންމު ވައުދުފުޅެކެވެ.
