"ޒުވާނުންގެ ހޮޅުއަށި" ޕްރޮގްރާމުގައި ބައިވެރިވުމުގެ ފުރުޞަތު ހުޅުވާލައިފިއެވެ.

މި ޕްރޮގްރާމަކީ ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހޭ ވުޒާރާއިން ކުރިއަށްގެންދާ ޕްރޮގްރާމެކެވެ.

"ޔޫތު ޕްލިޓިކަލް ޕާޓިސިޕޭޝަން" މައުޟޫއަށް މަޝްވަރާކުރުމަށް ހަމަޖެހިފައިވާ މި ޕްރޮގުރާމު އޮންނާނީ މިމަހުގެ 30 ވަނަ ދުވަހުގެ ރޭ 8:30 އިން 10:00 އަށް ސޯޝަލް ސެންޓަރުގައި ކަމަށް ވުޒާރާއިން ބުންޏެވެ.

މި ޕްރޮގްރާމަކީ ޒުވާނުންނަށް މުހިންމު މައްސަލަތަކާ ގުޅޭގޮތުން ހިޔާލާއި ތަޖުރިބާ ޙިއްސާކުރުމަށް ބާއްވާ ޕްރޮގްރާމެއް ކަމަށް ވުޒާރާއިން ބުންޏެވެ.

ވުޒާރާއިން ބުނީ މި ޕްރޮގްރާމްގައި ބައިވެރިވުމަށް 4000567އަށް ގުޅާލައިގެން ރަޖިސްޓްރީ ކުރެވޭނެ ކަމަށެވެ.