އިރާނުގެ ނިއުކްލިއަރ ޕްރޮގްރާމާ ގުޅޭގޮތުން ހުޅަނގުން ކަންބޮޑުވުން އުފެދިފައިވާ ދަނޑިވަޅުގައި، ބައިނަލްއަޤްވާމީ އެޓޮމިކް އެނަރޖީ އެޖެންސީ (އައި.އޭ.އީ.އޭ) އަށް އެއްބާރުލުން ދިނުން ހުއްޓާލުމުގެ ބިލެއް އެ ޤައުމުގެ މަޖިލީހުން ތައްޔާރުކުރަމުންދާ ކަމަށް ޚަބަރުތައް ބުނެފިއެވެ.
އީރާނުން މި ފިޔަވަޅު އަޅާން ނިންމާފައިވަނީ، މި ޖޫން މަހު އައި.އޭ.އީ.އޭގެ ބޯޑް އޮފް ގަވަރނަރސްއިން ފާސްކުރި ގަރާރަކާ ގުޅިގެންނެވެ. އެ ގަރާރުގައި އިރާނުން ނޮން-ޕްރޮލިފަރޭޝަން ޓްރީޓީ (އެން.ޕީ.ޓީ) ގެ ދަށުން ބަލައި ފާސްކުރުމުގެ ކަންކަމަށް ފުރިހަމައަށް އެއްބާރުލުން ނުދިނުމުން އިރާނު ކުށްވެރިކޮށްފައިވެއެވެ.
އީރާނުން ބުނީ އެގައުމަށް އެމެރިކާ އިން ހަމަލާ ދިނީ ވެސް އައިއޭއީއޭގެ ވާގި އޮވެގެން ކަމަށް ތުހުމަތު ކުރެވޭ ކަމަށެވެ. އަދި އައި.އޭ.އީ.އޭއަށް ހުޅަނގުގެ ބާރުތަކާ، ޚާއްސަކޮށް އެމެރިކާއާއި ޔޫރަޕިއަން ޔޫނިއަނާ އެއްބައިވުމުގެ ސަބަބުން، އިތުބާރު ގެއްލިފައިވާ ކަމަށް އީރާނުން ވަނީ ބުނެފައެވެ.
އީރާނުން އަަބަދުވެސް ބުނަމުން ދަނީ އެމީހުންގެ ނިއުކްލިއާ މަޝްރޫއަކީ ސުލްހަވެރި މަޝްރޫޢެއް ކަމަށާއި، ހަކަތަ އުފެއްދުމަށް ހިންގާ މަޝްރޫއެއް ކަމަށެވެ.
