Vinares gai roavumun vaguthee boahiyaavahikan hamajassai dheefi | Khulaasaa

ވިނަރެސް ގައި ރޯވުމުން ވަގުތީބޯހިޔާވަހިކަން ހަމަޖައްސައިދީފި

އަހްމަދު އީޒާން

350 ދުވަސް ކުރިން - 23 ޖޫން 2025 14:41

އަލިފާނުގެ ހާދިސާގައި ގެއްލުން ލިބުނު ވިނަރެސްގެ ފްލެޓް / ފޮޓޯ: އެންޑީއެމްްއޭ

ޚުލާސާ

ވިނަރެސް އެޕާޓްމަންޓުގައި ރޯވެ ދިރިނޫޅެވޭ ވަރަށް އެ އެޕާޓްމަންޓަށް ވަނީ ގެއްލުން ލިބިފައި. މިކަމާއި ގުޅިގެން 4 މީހަކަށް ވަގުތީ ބޯހިޔާވަހިކަން ހަމަޖައްސައިދީފި.

މިއަދު ހެނދުނު އަލިފާނުގެ ހާދިސާ ހިނގި ވިނަރެސް ފްލެޓުގައި ދިރިއުޅުނު ހަތަރު މީހަކަށް ވަގުތީ ބޯހިޔާވަހިކަން އެންޑީއެމްއޭ އިން ހަމަޖައްސައިދީފި އެވެ.

އެންޑީއެމްއޭ އިން އެކްސްގައި ކުރި ޕޯސްޓެއްގައި ބުނީ ހުޅުމާލޭ ވިނަރެސް ފްލެޓް 9B-13-06 އެޕާޓްމަންޓްގައި އަލިފާނުގެ ހާދިސާއެއް ހިނގައި ގެއްލުންތަކެއް ލިބިފައި ވާތީ، އެ އޮތޯރިޓީން މިހާރު އެކަން ބަލަމުން އަންނަ ކަމަށެވެ.

އެ ހާދިސާގައި ދިރިނޫޅެވޭ ވަރަށް އެ އެޕާޓްމަންޓަށް ގެއްލުން ލިބިފައިވާ ކަމަށް އެންޑީއެމްއޭ އިން ބުންޏެވެ.

އެހެންވެ, އެ އެޕާޓްމަންޓްގައި ދިރިއުޅޭ ހަތަރު މީހަކަށް ފަސް ދުވަހުގެ މުއްދަތަށް ވަގުތީ ބޯހިޔާވަހިކަމާއި ކެއުން އަދިދެ މީހަކަށް އަންނައުނު ފޯރުކޮށްދީފައިވާ ކަމަށް އެންޑިއެމްއޭ އިން ބުންޏެވެ.

މިއަދު ހެނދުނު 7:41 ހާއިރު އެ އެޕާޓްމަންޓުގައި އަލިފާން ރޯވިކަމުގެ ރިޕޯޓް ލިބުމާއެކު ސިފައިންގެ ފަޔަ އެންޑް ރެސްކިއު އިން ވަނީ އެ އަލިފާންގަނޑު ނިއްވާލައިފަ އެވެ.

އަލިފާން އެމްއެންޑީއެފް ނޭޝަނަލް ޑިޒާސްޓަރ މެނޭޖްމެންޓް އޮތޯރިޓީ (އެންޑީއެމްއޭ)