ބޭންކް އޮފް މޯލްޑިވްސް (ބީއެމްއެލް) ގެ ޚިދުމަތްތައް މިރޭ ދަންވަރު މެދުކެނޑޭނެ ކަމަށް އެ ބޭންކުން ބުނެފިއެވެ.

ބީއެމްއެލް އިން އެކްސްގައި ކުރި ޕޯސްޓެއްގައި ބުނީ މެއިންޓަނަންސް މަސައްކަތެއް ކުރިއަށް ގެންދަން ނިންމާފައިވާތީ މިރޭ ދަންވަރު 2:00 އިން ފަތިހު 5:00 އާ ދެމެދު 30 މިނެޓަށް ބޭންކުގެ ޚިދުމަތްތައް މެދުކެނޑޭނެ ކަމަށެވެ.

އެ ވަގުތުގެ ތެރޭގައި އިންޓަނެޓް ބޭންކިން އާއި ބޭންކުގެ ޕީއޯއެސް މެޝިންތަކާއި އޭޓީއެމްގެ އިތުރުން ޕޭމަންޓް ގޭޓްވޭ ޚިދުމަތްވެސް މެދުކެނޑޭނެ ކަމަށް ބޭންކުން ބުންޏެވެ. އަދި ކާޑުގެ ޚިދުމަތާއި ޑޮލަރު ބުކިން ޕޯޓަލްގެ ޚިދުމަތްވެސް އެވަގުތަށް މެދުކެނޑޭނެ ކަމަށް އެ ބޭންކުން ބުންޏެވެ.

ބީއެމްއެލް އިން ބުނީ މެއިންޓަނަންސްގެ މަސައްކަތަށް އެ ވަގުތު ކަނޑައެޅީ އެ ވަގުތަކީ ބޭންކުގެ ޚިދުމަތްތައް އެންމެ މަދުން ކަސްޓަމަރުން ބޭނުންކުރާ ވަގުތު ކަމަށް ވާތީ ކަމަށެވެ.

ބީއެމްއެލް އިން ފޯރުކޮށްދޭ ޚިދުމަތްތަކުގެ ފެންވަރު ރަނގަޅުކުރުމަށް ކުރަމުން އަންނަ މިފަދަ މެއިންޓަނަސް މަސައްކަތްތަކަށް ޚިދުމަތްތައް މެދުކަނޑާލައެވެ.