ރާއްޖޭގެ މަޝްހޫރު ފުޓުބޯޅަ ކުޅުންތެރިޔާ އަލީ އަޝްފާގު (ދަގަނޑޭ) އަންނަ ސީޒަނުގައި އޭނާގެ ކުރީގެ ކުލަބު ނިއު ރޭޑިއަންޓް ސްޕޯޓްސް ކުލަބުގެ ޖާރޒީގައި ފެންނާނެ ކަމަށް އިއުލާނުކޮށްފިއެވެ.
އުމުރުން 39 އަހަރުގެ ދަގަނޑޭ އެންމެ ފަހުން ޕްރޮފެޝަނަލް ލެވެލްގައި ކުޅެފައިވަނީ 2023 ވަނަ އަހަރު ސުޕަ ޔުނައިޓެޑް ސްޕޯޓްސް (ސަސް) އަށެވެ. ނަމަވެސް، އަނިޔާގެ ސަބަބުން އެ ސީޒަނުގައި ދެމެޗަށްވުރެ ގިނައިން ކުޅެވިފައެއް ނުވެއެވެ. ދާދިފަހުން ކަކުލުގެ އޮޕަރޭޝަނެއް ކުރުމަށްފަހު، މިހާރު އޭނާ ދަނީ އަލުން ފިޓްވުމަށް މަސައްކަތްކުރަމުންނެވެ.
ދަގަނޑޭ ނިއުއާއި ގުޅުމުން ކުރިއަށްއޮތް ދެވަނަ ޑިވިޝަނުގައި ނިއު ފެންނާނީ ވަރުގަދަކޮށްކަން ފާހަގަކޮށް މުބީން ވިދާޅުވީ, ދަގަނޑޭގެ ތަޖުރިބާގެ ސަބަބުން މުޅި ޓީމު ވަރުގަދަކޮށް ފެނިގެންދާނެކަމަށެވެ. "އަޝްފާގު ނިއުރޭޑިއަންޓާ ގުޅުމަކީ ހަމައެކަނި އަޅުގަނޑުމެންގެ ކްލަބަށް ލިބުނު ކުރިއެރުމެއް ނޫން، މުޅި ރާއްޖޭގެ ފުޓްބޯޅައަށް ލިބުނު ވަރަށް ބޮޑު ހިތްވަރެއް، އަޅުގަނޑުމެން އެންމެން މިތިބީ އަޝްފާގުގެ ކުޅުން ފެނުމަށް ވަރަށް ބޮޑަށް އިންތިޒާރުގައި" ނިއު ރޭޑިއަންޓް ސްޕޯޓްސް ކުލަބުގެ ޗެއާމަން އަޙްމަދު މުބީން ވިދާޅުވިއެވެ.
Advertisement
ދަގަނޑޭ ނިއުއަށް ގެންނަން އުޅޭ ކަމަށް މީގެ ކުރިން ވެސް އިޝާރާތް ކޮށްފައި ވެއެވެ.
